კატალონიის მთავრობა, კონსტიტუციის 155-ე მუხლის ამოქმედებასთან დაკავშირებით, ოფიციალური მადრიდის გადაწყვეტილებას საკონსტიტუციო და უზენაეს სასამართლოებში გაასაჩივრეს, - ამის შესახებ გენერალიტეტის ოფიციალურმა წარმომადგენელმა ჟორდი ტურულმა განაცხადა.

როგორც ტურულმა განმარტა უზენაესმა სასამართლომ ესპანეთის მინისტრთა კაბინეტის დადგენილება უნდა გააუქმოს.

ამასთან, მედია საშუალების ინფორმაციით, კატალონიის მეთაურს კარლეს პუჩდემონს შესთავაზეს, ხუთშაბათს ან პარასკევს სენატში სიტყვით გამოვიდეს, თუმცა ხუთშაბათს კატალონიის პარლამენტის სხდომაა დანიშნული.

ცნობისთვის, 21 ოქტომბერს ოფიციალურმა მადრიდმა კატალონიის ავტონომიურ მთავრობას უფლებამოსილება ჩამოართვა. ესპანეთმა კონსტიტუციის 155-ე მუხლი აამოქმედა, რომელიც რეგიონისთვის ავტონომიის სტატუსის გაუქმებას გულისხმობს.

შეგახსენებთ, რომ კატალონიაში ე.წ. რეფერენდუმი 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ. ამასთან, 10 ოქტომბერს კატალონიის მეთაურმა კარლეს პუჩდემონმა რეგიონის ე.წ. დამოუკიდებლობის დეკლარაციას ხელი მოაწერა.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს