2017-10-19 12:03:08, 2211 ნახვა
მსოფლიო
ავღანეთში, „თალიბანის“ თავდასხმის შედეგად, 74 ადამიანი დაიღუპა
ავღანეთში „თალიბანის“ მიერ განხორციელებულ თავდასხმას 74 ადამიანის სიცოცხლე ემსხვერპლა, - ამის შესახებ Independent იუწყება.
მედია საშუალების ინფორმაციით, ორმა თვითმკვლელმა ტერორისტმა სამხედრო ბაზასთან და პოლიციის შენობასთან თავი აიფეთქა.
მედიის ცნობით, თავდასხმის შედეგად 100-ზე მეტი ადამიანი დაშავდა. დაღუპულთა და დაშავებულთა შორის არიან სამხედროები, პოლიციელები და მშვიდობიანი მოქალაქეები.
ავღანეთის შინაგან საქმეთა მინისტრის მოადგილის მურად ალი მურადის განცხადებით, მიმდინარე წელს ეს ყველაზე მასშტაბური თავდასხმების სერია იყო.
![]()
ავტორი: ,
epn.ge (@expressnews.ge)
