ფინანსთა მინისტრის მოვალეობის შემსრულებლის, ნოდარ ხადურის განცხადებით, პრეზიდენტმა იცოდა, რომ თავდაცვის მინისტრი იცვლებოდა.

როგორც ხადურმა ჟურნალისტებს განუმარტა, პრემიერ-მინისტრის ექსკლუზიური უფლებაა, კონსტიტუციით დადგენილი პროცედურების დაცვით, ვინმესთან შეთანხმების გარეშე ნებისმიერი მინისტრი შეცვალოს. თუმცა ხადურის თქმით, პრეზიდენტი ცვლილებების თაობაზე ინფორმირებული იყო.

„ვისაც ევალება, რომ მთავრობის შემადგენლობა მოიფიქროს, ანუ პრემიერ-მინისტრს, მას უკვე მოფიქრებული აქვს მთავრობის შემადგენლობა. პრემიერმა წარუდგინა პრეზიდენტს იმისათვის, რათა მან კონსტიტუციით დადგენილი პროცედურები შეასრულოს და პარლამენტში წარადგინოს. რამდენადაც ვიცი, პარლამენტში იყო კონსესუსი იმის თაობაზე, რომ დღეს და ხვალ ემუშავათ. რამდენიმე მინისტრი გზიდან მობრუნდა, ვინც მიდიოდა იმისათვის, რათა კომიტეტებში უმცირესობასთან, უმრავლესობასთან და „თავისუფალ დემოკრატებთან“ შეხვედრები ჰქონოდა. პრეზიდენტმა იცოდა, რომ თავდაცვის მინისტრი იცვლებოდა და პრემიერ-მინისტრის ექსკლუზიური უფლებაა კონსტიტუციით დადგენილი პროცედურებით ნებისმიერი მინისტრი შეცვალოს და არავისთან ამის შეთანხმება არ სჭირდება. ითქვა, რომ პრეზიდენტი ცვლილებების შესახებ ინფორმირებული იყო“, - განაცხადა ხადურმა.

კითხვაზე ელოდება თუ არა მთავრობის ამ შემადგენლობაში ცვლილებებს, ხადურის თქმით, პრემიერ-მინისტრმა ცალსახად აღნიშნა, რომ პრეზიდენტისთვის წარდგენილი მთავრობის შემადგენლობა არ შეიცვლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times