„ჩვენ პრეზიდენტის გადაწყვეტილებას პატივი უნდა ვცეთ“, – ამის შესახებ პარლამენტის თავჯდომარე დავით უსუფაშვილმა პრეზიდენტის გიორგი მარგველაშვილის განცხადებასთან დაკავშირებით აღნიშნა. 

მისივე შეფასებით, პარლამენტს პრეზიდენტისგან განსხვავებული შეხედულება აქვს, რომ მთავრობისთვის ხელახალი ნდობის გამოცხადება დაჩქარებულ რეჟიმში შეიძლება მოხდეს.

თუმცა, უსუფაშვილის თქმით, გიორგი მარგველაშვილმა მისთვის კონსტიტუციით მინიჭებული უფლებამოსილება გამოიყენა და ხელმოწერა 1 კვირით გადადო. პარლამენტმა და მთავრობამ კი, პრეზიდენტის გადაწყვეტილებას პატივი უნდა სცეს.   

„პრეზიდენტმა გადაწყვიტა გამოიყენოს ის 7 დღიანი ვადა, რაც მას კონსტიტუციით აქვს მინიჭებული. ეს არ არის რაღაც ექსტრაორდინალური მოვლენა. პრეზიდნეტი არჩეულია იმიტომ, რომ გონივრული, სახელმწიფოებრივად მნიშვნელოვანი გადაწყვეტილებები მიიღოს. როგორც ჩანს მან გადაწყვიტა, რომ ასეთ ექსპრომტ სიტუაციაში შეიძლება თვლის, რომ ჩვენ გვჭირდება მეტი  დრო, რომ ჩამოვყალიბდეთ, ვენდობით თუ არა მთავრობის განახლებულ შემადგენლობას, ეს მისი აზრია, მისი შეხედულებაა. ჩვენ შეიძლება გვქონდეს განსხვავებული შეხედულება და ვთვლიდეთ, რომ დღესვე შეგვეძლო ამ საკითხის გადაწყვეტა. მაგრამ პატივი ვცეთ კონსტიტუციით მინიჭებულ უფლებამოსილებებეს. მან გადაწყვიტა , რომ ჩვენ მეტი დრო მოგვცეს დასაფიქრებლად, მეტი ფიქრი არასდროს არ არის ცუდი და მავნე“, – განაცხადა უსუფაშვილმა. 

მან აქვე აღნიშნა, რომ მოქმედი მთავრობა უფლებამოსილია და თავისი მიმართულებით გააგრძლეებს მუშაობას.

„ამასობაშ ქვეყანა აგრძელებს ცხოვრებას, ქვეყანას ჰყავს მოქმედი მთავრობა სრულფასოვანი და უფლებამოსილი. ის ცლვილებები, რაც პრემიერმა თავისი კომპეტენციებისა და კონსტიტუციის ფარგლებში განახორციელა ეს არის კანონიერი. ასე, რომ მთავრობა თავისი მიმართულებით გააგრძელებს მუშაობას, პარლამენტი კი, თავისი მიმართულებით“, – აღნიშნა დავით უსუფაშვილმა.

ცნობისთვის, პრემიერ–მინისტრის მოვალეობის შემსრულებელმა ირაკლი ღრიბაშვილმა დღეს, მთავრობის ახალი შემადგენლობა დაასახელა.

მან პრეზიდენტსა და პარლამენტს თხოვნით მიმართა, რომ მთავრობისთვის ხელახალი ნდობის გამოცხადება დაჩქარებულ რეჟიმში მოხდეს.

პრეზიდენტმა გიორგი მარგველაშვილმა კი განაცხადა, რომ კონსტიტუციის მინიჭებულ უფლებამოსილებას გამოიყენებს და პარლამენტისთვის მთვრობის ახალი შემადგენლობის წარდგენა 1 კვირის ვადით გადადო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times