საგარეო საქმეთა მინისტრის მიხეილ ჯანელიძის განცხადებით, ვინ ჩაანაცვლებს გერმანიაში საქართველოს  ელჩის თანამდებობაზე ლადო ჭანტურიას, მას შემდეგ გახდება ცნობილი, რაც შესაბამისი პროცედურები დასრულდება და ჭანტურია ელჩის პოსტს ოფიციალურად დატოვებს:

"მოგეხსენებათ, ლადო ჭანტურია არის ჯერ კიდევ ელჩი გერმანიაში. მისი არჩევა მხოლოდ და მხოლოდ გუშინ მოხდა. შესაბამისად, ეს არის პროცესი, რომელიც საჭიროებს არა მხოლოდ ქვეყნის შიგნით, არამედ პარტნიორებთან კონსულტაციებს, ვგულისხმობ გერმანიას. პროცესი როდესაც დასრულდება, ამის შესახებ ცნობილი გახდება ყველასთვის", - განაცხადა მიხეილ ჯანელიძემ.

კითხვაზე, განიხილება თუ არა ლადო ჭანტურიას შემცვლელად თბილისის მერის დავით ნარმანიას კანდიდატურა, ჯანელიძემ აღნიშნა, რომ კანდიდატურაზე განხილვები დაწყებული არ არის.

ევროპის საბჭოს საპარლამენტო ასამბლეამ, საშემოდგომო სესიაზე, საქართველოდან ადამიანის უფლებათა ევროპული სასამართლოს მოსამართლედ ლადო ჭანტურია აირჩია.

მის კანდიდატურას საპარლამენტო ასამბლეის 120 წევრმა დაუჭირა მხარი.

ევროპულ სასამართლოში მოსამართლეობის კანდიდატებად საქართველოდან წარდგენილი იყვნენ: ლადო ჭანტურია, ლალი ფაფიაშვილი და ოთარ სიჭინავა.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს