ათენში, ესპანეთის საელჩოში კატალონიის დამოუკიდებლობის მხარდამჭერი ანარქისტების ჯგუფი შეიჭრა, - ამის შესახებ  Reuters იუწყება.

მედია საშუალების ინფორმაციით, უსაფრთხოების მიზნით საელჩოდან თანამშრომლების ევაკუაცია განხორციელდა. დიპლომატიური მისიის შენობაში მხოლოდ რამდენიმე თანამშრომელი დარჩა.

მედიის ცნობით, ინციდენტის შედეგად არავინ დაშავებულა.

როგორც საელჩოს ოფიციალურმა წარმომადგენელმა აღნიშნა, შენობაში 15-20-კაციანი ჯგუფი შეიჭრა, თუმცა არაფერი დაუზიანებიათ. მისივე ინფორმაციით, აქტივისტებმა პროპაგანდისტული ფურცლები დაყარეს წარწერით - „სოლიდარობა ხალხის იარაღია“.

გარდა ამისა, მედია წერს, რომ ანარქისტებმა შენობაზე დიდი ბანერი გამოკიდეს წარწერით - "No Pasaran!" (ისინი, ვერ გავლენ). (No Pasaran - პოლიტიკური ლოზუნგია, რომელიც საკუთარი პოზიციის მტკიცე დაცვას გულისხმობს. ფრაზა ფრანგული სამხედრო ლოზუნგიდან წარმოიქმნა, რომელიც პირველი მსოფლიო ომის დროს ფრანგები იყენებდნენ, თუმცა შემდგომ, იმ ფორმით რა ფორმითაც არხლა ცნობილი ესპანეთში სამოქალაქო ომის დროს ჩამოყალიბდა).

როგორც Reuters იტყობინება, ადგილზე მისულმა სამართალდამცველებმა 19 ადამიანი დააკავეს.

პოლიციის ინფორმაციით, აქციის ორგანიზატორი იყო ბერძნული დაჯგუფება „რუბიკონი“ იყო, რომელიც ესპანეთისგან კატალონიის გამოყოფას უჭერს მხარს.

საელჩოს წარმომადგენლის თქმით, ახლა ყველა თანამშრომელი დიპლომატიური მისიის შენობაშია.

ავტორი: ,

სოციალური ქსელები

ზურაბიშვილი - მოსამართლე თეა ლეონიძემ განაჩენი პირველ რიგში გამოიტანა თავის თავს გამოუტანა, მერე კი რეჟიმს

ხაბეიშვილი - ამ ქვეყანას ეშევლება, მთავარია, ისე არ მოგვივიდეს, რომ სანამ აზრზე მოვლენ, აზრზე მოსვლას აზრი აღარ ჰქონდეს

სააპელაციომ 11 დემონსტრანტი პატიმრობაში დატოვა და არ შეუცვალა 2-წლიანი სასჯელი

თიბისის მხარდაჭერით თბილისის წიგნის ბაზრობა გაიმართება