საქართველოს იუსტიციის მინისტრი თეა წულუკიანი  დავით ნარმანიას დედაქალაქის მერის პოზიციაზე გაწეული საქმიანობისთვის მადლობას უხდის.

წულუკიანის შეფასებით, დავით ნარმანიამ ჩუმად, ხანდახან სამართლიანი, მაგრამ ძირითადად  ბევრი უსამართლო კრიტიკის მიუხედავად,  ბევრი საქმე გააკეთა:

„მინდა დავით ნარმანიას მადლობა გადავუხადო იმ საქმიანობისთვის, რაც მან ძალიან ბევრ შემთხვევაში კრიტიკის ქარცეცხლში, და ამ კრიტიკის მიუხედავად გასწია. ჩვენ თბილისელებს, ვინც აქ ვცხოვრობთ და ვართ ამომრჩევლები, გვქონია თბილისის მერიასთან, თბილისის მერთან სხვადასხვა კითხვები, პრობლემები, არ არსებობს თანამედროვე დედაქალაქი მსოფლიოში, სადაც მაცხოვრებლებს პრობლემები არ აქვთ. მაგრამ, დღეს მის საქმიანობას რომ ვაფასებ, მგონია, რომ ვარ ობიექტური. ვფიქრობ, ამ ადამიანმა ჩუმად, ხანდახან სამართლიანი, მაგრამ ძირითადად ბევრი უსამართლო კრიტიკის მიუხედავად, ძალიან ბევრი საქმე გააკეთა, რომელიც ის რომ აღარ იქნება მერი, უფრო უკეთესად გამოჩნდება. ჩვენ ვიტყვით, რომ ეს იყო პასუხისმგებლიანი ადამიანი, რომელიც არაპოლიტიზირებდა იმ საქმეს, რომელსაც ჩუმად და პროფესიონალურად აკეთებდა. ასევე მინდა იმედი გამოვთქვა იმასთან დაკავშირებით, რომ უკვე მისი შემცვლელი მერი, რომელსაც თბილისელები, ვინც იქნება ის, ნდობას გამოუცხადებს,  ამ საქმეს კიდევ უფრო მაღალ ხარისხში აიყვანს”,-განაცხადა თეა წულუკიანმა.

მას არ აქვს ინფორმაცია, ჩაანაცვლებს თუ არა გერმანიის ელჩის თანამდებობაზე დავით ნარმანია ევროპული სასამართლოს ახლადარჩეულ მოსამართლეს ლადო ჭანტურიას:

„რაც შეეხება დავით ნარმანიას მომავალს, მისი მომავალი პოზიციების, თუ შეთავაზებების შესახებ, გულწრფელად გეტყვით, ჩემთვის არაფერია ცნობილი. მაგრამ, სადაც არ უნდა იყოს ის, მე მას მთელი გულით წარმატებებს ვუსურვებ”,-აღნიშნა თეა წულუკიანმა.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს