„ნაციონალური მოძრაობის“ თბილისის მერობის კანდიდატის, ზაალ უდუმაშვილის განცხადებით, პარტია საკრებულოში ბოიკოტის რეჟიმში დარჩება.

როგორც უდუმაშვილმა „ექსპრესნიუსთან“ საუბარში აღნიშნა, არჩევნების შემდეგ ძალიან ბევრი რამ შეიცვლება.

მისივე თქმით, მმართველი გუნდი ორიენტირებული იმაზე, რომ ყოფილი პრემიერის, ბიძინა ივანიშვილის „სურვილები შეასრულოს“.

„დღეს არის დღეს, როდესაც კიდევ ორი სურვილი უნდა აუსრულონ ბიძინა ივანიშვილს, თან სასწრაფოდ. პირველი სურვილი თაბორის მთაზე ტერიტორია მისცენ, მეორე კი, პუშკინის სკვერთან, საკმაოდ დიდი ტერიტორია 1 ლარად გადასცენ. ახლა მიდის ხელების გადაგრეხვა თბილისისთვის. იმ კაცს უნდა, და შესაბამისად გააკეთებენ იმას, რაც ბიძინას სურს. სწორედ ამას ასრულებს „ქართული ოცნება“ რეალურად. ამ ყველაფერს მოჰყვა ჩვენი პროტესტი საკრებულოს დარბაზში, რის შემდეგაც დარბაზიდან გაგვაძევეს და დერეფანში დარჩენის უფლებაც არ მოგვცეს. მოგვიწყვეს ჩვეულებრივი ფრონტი, რადგან ამდენი პოლიციელის მობილიზება საკრებულოში არ მახსოვს. აღნიშნული მიწების გადაცემის ფაქტს მმართველი გუნდი ხსნის იმით, რომ ეს ქალაქისთვის კარგია. რასაც ბიძინა აკეთებს რა თქმა უნდა ყველაფერი კარგია, მარტო ჩვენ ვართ ცუდები, ხალხი, რომელიც მის სიკეთეს ვერ ხედავს. სინამდვილეში, მან მთელი ქალაქი წაიღო. მიწებთან დაკავშირებით ივანიშვილის მადა დაუოკებელია. ყველა ის უკანონო გადაწყვეტილება, რომელიც საკრებულომ მიიღო, გადაიხედება არჩევნების შემდეგ“, - განაცხადა ზაალ უდუმაშვილმა.

შეგახსენებთ, თბილისის საკრებულოში სხდომა მიმდინარეობს. სხდომა პროტესტის ნიშნად ოპოზიციის რამდენიმე წევრმა დატოვა, მათ შორის დამოუკიდებელმა დეპუტატმა ალეკო ელისაშვილმა. მანამდე, საკრებულოს სხდომაზე მმართველი გუნდისა და ოპოზიციის დეპუტატებს შორის სიტყვიერი დაპირისპირება მოხდა. საკრებულო ყოფილი პრემიერ-მინისტრის, ბიძინა ივანიშვილის კომპანიისთვის პუშკინის სკვერის მიმდებარედ და თაბორის მთაზე მიწის გადაცემის საკითხს განიხილავდა, რამაც ოპოზიციის უკმაყოფილება და პროტესტი გამოიწვია. ხმაურის გამო, სხდომა თითქმის 2 საათის განმავლობაში ვერ იწყებოდა, თუმცა მას შემდეგ, რაც დაცვამ ოპოზიციის წევრები დარბაზიდან გააძევა, სხდომა განახლდა.

ცნობისთვის, საკრებულოს შენობასთან ათობით სამართალდამცველი ამ დრომდე მობილიზებულია.

ავტორი: ,

სოციალური ქსელები

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს

კობახიძე კვლავ იყენებს საპატრიარქოს სახელს ოპონენტებზე თავდასასხმელად