ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის მოვალეობის შემსრულებლის დავით ბაქრაძის განცხადებით, აღმოსავლეთ პარტნიორობის დეკლარაციის პროექტი, რომელიც რიგის სამიტისთვის მომზადდა, საქართველომ უკვე მიიღო.

თუმცა, რას მოიცავს პროექტი, სახელმწიფო მინისტრის მოვალეობის შემსრულებელმა ამის თაობაზე საუბრისგან თავი შეიკავა. როგორც ბაქრაძემ ჟურნალისტებს განუცხადა, პროექტი მას შემდეგ გასაჯაროვდება, რაც მასზე მუშაობა დასრულდება. მისივე თქმით, მოლოდინია, რომ  რიგის სამიტის საბოლოო დეკლარაციაში საქართველოს მიერ მიღწეული პროგრესი სრულად აისახება.

"ეს პროექტი არის მიღებული.ეს პროექტი გასაჯაროვდება მას შემდეგ, რაც მასზე მუშაობა დასრულდება, მანამდე ამ საკითხთან დაკავშირებით საჯაროდ საუბარი მიზანშეწონილი არ არის.ამაზე მუშაობა გრძელდება. რაც შეეხება ჩვენს მიზნებს, ეს ძალიან მკაფიოა. ერთი თვალსაზრისით ჩვენ ველოდებით, რომ ის პროგრესი, რომელიც საქართველომ განიცადა სხვადასხვა მიმართულებით, მათ შორის რა თქმა უნდა, ვიზა ლიბერალიზაციის იმპლემენტაციის თვალსაზრისით, ჩვენ შევასრულეთ ყველა საშინაო დავალება, შესაბამისად, გვაქვს განცდა და მოლოდინი, რომ ეს სრულად იქნება ასახული რიგის სამიტის საბოლოო დეკლარაციაში",-განაცხადა დავით ბაქრაძემ.

ამასთან, ბაქრაძის განმარტებით, რიგის სამიტზე პრემიერ-მინისტრის ხელმძღვანელობით მთავრობა გაემგზავრება.

ცნობისთვის, რადიო "თავისუფლების" სტატიაში აღნიშნულია, რომ ღმოსავლეთ პარტნიორობის დეკლარაციის პროექტი, რომელიც რიგის სამიტისთვის მომზადდა, საქართველოს, მოლდოვასა და უკრაინისთვის ძალიან ცოტა კარგ ამბავს მოიცავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის