სარფის საბაჟოზე-გამშვებ პუნქტზე აჭარის ტელევიზიის გადამღებ ჯგუფს პრობლემა შეექმნა.

კერძოდ, აჭარის ტელევიზიის ჟურნალისტის ჯენი კვანტალიანის ინფორმაციით, მას თურქმა მებაჟეებმა პირადობის მოწმობის დამდასტურებელი საბუთი და ტელეფონი წაართვეს.

როგორც კვანტალიანი აცხადებს, მას და მის ოპერატორსაც ფიზიკურად შეეხნენ.

"ინციდენტი მას შემდეგ მოხდა, რაც სარფის საბაჟო-გამშვებ პუნქტთან შეკრებილი მოსახლეობა გადავიღეთ და მათგან პრობლემები მოვისმინეთ. მოქალაქეები საუბრობდნენ იმაზე, რომ მათ ფიზიკურად უსწორდებოდნენ თურქი მებაჟეები საზღვრის გადაკვეთის მომენტში. როგორც მოქალაქეებმა ჩვენთან საუბარში აღნიშნეს, მათ საზღვარზე ე.წ. დუბინკებით უსწორდებიან, ართმევენ პირადობებს ყოველგვარი არგუმენტის გარეშე. ბუნებრივია დავინტერესდით რა მდგომარეობა იყო თურქეთის მხარეს და სწორედ ამ მიზნით გადავდიოდით ერთი ზონიდან მეორეში. ამ დროისთვის ვიდექით ნეიტრალურ ტერიტორიაზე, სადაც გვქონდა ინფორმაცია იმის შესახებ, რომ გადაღება არ იყო მიზანშეწონილი და ამ კანონებს დავემორჩილეთ. არ გვქონდა არც მიკროფონი და არც კამერა ჩართული, თუმცა თურქული მხარე დაჟინებით მოითხოვდა ჩვენ დაგვეთმო ტექნიკა, მობილური ტელეფონების ჩათვლით. ამ მოთხოვნას არ დავემორჩილეთ", - აღნიშნა კვანტალიანმა.

ჟურნალისტის თქმით, მან ოპერატორს მოუწოდა საზღვარზე არ გადასულიყო. მისივე განმარტებით, იქ თურქი მებაჟეების უფლებამოსილება ვრცელდებოდა, რაც უფრო მეტ პრობლემას შეუქმნიდათ. 

"ფიზიკური ანგარიშსწორება მას შემდეგ დაიწყეს, რაც არ დაემორჩილა ჩემი ოპერატორი და კამერა არ გადასცა. ამის შემდეგ ერთ-ერთი მოვიდა ჩემთან, ხელიდან მართმევდა პირადობის მოწმობის დამადასტურებელ საბუთს ძალისმიერი მეთოდით, ასევე მობილურს. ამ დროისთვის მოვასწარი Facebook Live-ის ჩართვა. ამ შეხლა შემოხლაში, ვითხოვდი შველას გვერდით მდგომ ქართველი მებაჟეებისგან. ამ ყველაფერს ადგილობრივებიც შეესწრნენ და სწორედ მათი დაჟინებული მოთხოვნის შემდეგ, დამიბრუნეს ნივთები. ეს დაახლოებით ნახევარი საათის განმავლობაში გრძელდებოდა. შეძახილები იყო როგორც ქართულად ასევე თურქულად, რომ დაებრუნებინათ ჩემთვის პირადობა, რადგან რამდენიმე წუთში პირდაპირი ეთერი მეწყებოდა. იყო შეძახილები, რომ თუკი არ დაემორჩილებოდნენ საზოგადოების მოთხოვნას მოქალაქეები პროტესტის ნიშნად აღარ გადავიდოდნენ თურქეთის მხარეს. იყო ძალიან დიდი აგრესია ჩვენს მიმართ, ცდილობდნენ რომ საზღვარზე გადავსულიყავით და შემდეგ იყო საშიშროება იმისა, რომ იქ რამე გაცილებით უფრო უარესი მომხდარიყო", - განაცხადა ჯენი კვანტალიანმა.

ჟურნალისტის ინფორმაციით, მომხდარ ფაქტს საკონსულო უკვე სწავლობს. მანვე დასძინა, რომ ოპერატორთან ერთად გონიოს პოლიციის დეპარტამენტში დაკითხვაზეა დაბარებული.

ავტორი: ,

სოციალური ქსელები

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ

სამადაშვილი - რუსების მოკავშირე ავტოკრატია დაემხო სერბეთში. რუსეთმა და ივანიშვილის რეჟიმმა კიდევ ერთი მოკავშირე დაკარგა

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს