ევროკავშირის ელჩის საქართველოში იანოშ ჰერმანის განცხადებით, ევროპარლამენტის ყოფილი დეპუტატის, იტალიელი ჟურნალისტის ჯულიეტო კიეზას განცხადებები ოკუპირებულ აფხაზეთთან დაკავშირებით, თანამედროვე მსოფლიომ სერიოზულად არ უნდა აღიქვას.

როგორც ჰერმანმა ჟურნალისტებს განუცხადა, მსგავსი ტიპის განცხადებებს კიეზა მრავალი წლის განმავლობაში აკეთებდა.

ელჩმა დასძინა, რომ ევროპარლამენტში განსახილველ საკითხთა ნუსხას მხოლოდ მოქმედი დეპუტატები ირჩევენ.

„რამდენადაც მე ვიცი, ევროპარლამენტის ყოფილი დეპუტატი ბატონი კიეზა მსგავსი ტიპის განცხადებებს ადრეც, მრავალი წლის განმავლობაში აკეთებდა. მინდა გითხრათ, რომ მან შესაძლოა მომავალშიც გააკეთოს ასეთი ტიპის კომენტარები, თუმცა მინდა დაგარწმუნოთ, რომ მათ არანაირი ძალა და შედეგი არ გააჩნიათ. ვთვლი, რომ მათ ზედმეტი ყურადღება არ უნდა მივაქციოთ. ევროპარლამენტში განსახილველ საკითხთა ნუსხას ირჩევენ პარლამენტის მოქმედი წევრები და დეპუტატები. გვინდა ასევე გაგახსენოთ, რომ გუშინ, შედგა ევროკავშირი-საქართველოს ასოცირების კომიტეტის შეხვედრა, სადაც გაკეთდა მკაფიო განცხადებები საქართველოს სუვერენიტეტთან დაკავშირებით. ევროკავშირმა კიდევ ერთხელ დაადასტურა თავისი მხარდაჭერა საქართველოს სუვერენიტეტისა და ტერიტორიული მთლიანობის საკითხთან დაკავშირებით. ამ განცხადებებს და მხარდაჭერას, მერწმუნეთ, ვერაფერი შეცვლის“, - განაცხადა იანოშ ჰერმანმა.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს