გარემოს დაცვის მინისტრის ელგუჯა ხოკრიშვილის თანამდებობიდან გადადგომის საკითხს „ნაციონალური მოძრაობა“ გამოეხმაურა.

საპარლამენტო ოპოზიცია მიიჩნევს, რომ შესაძლებელია ამჟამინდელი პრემიერის კადრების ჩანაცვლება ბიძინა ივანიშვილის კადრებით ხდებოდეს.

„ეს არის კლანებს შორის გადანაწილება. ერთი რამ, რაც შეიმჩნევა, უშუალოდ ღარიბაშვილის კადრების მოცილება ხდება და პირადად ივანიშვილთან დაკავშირებული ადამიანებით ხდება ჩანაცვლება. ვისთანაც მას პირადი ურთიერთობა აქვს, პირადად აქვს გამოცდილება მათთან თანამშრომლობის, ანუ ვასალის ვასალი მას არ სჭირდება, მას სჭირდება უშუალოდ ვასალები“, - განაცხადა სერგო რატიანმა.

„ნაციონალური მოძრაობის“ წევრები აცხადებენ, რომ ბევრი მტკიცებულება არსებობს, რომლებიც უშუალოდ მოქმედ პრემიერმინისტრთან ხოკრიშვილის კავშირს ადასტურებს. მათივე შეფასებით, გარემოს დაცვის სამინისტრო ერთ-ერთი ყველაზე კორუმპირებული სამინისტრო იყო.

ამასთან, „ნაციონალური მოძრაობა“ მიიჩნევს, რომ აუცილებელია, მოქმედი მთავრობა წავიდეს და ტექნიკურმა მთავრობამ არჩევნები მოამზადოს.

შეგახსენებთ, გარემოსა და ბუნებრივი რესურსების დაცვის მინისტრმა ელგუჯა ხოკრიშვილმა პრემიერ–მინისტრს გადადგომის თხოვნით დღეს მიმართა. როგორც ხოკრიშვილის  მიერ გავრცელებულ განცხადებაშია ნათქვამი, მან ეს გადაწყვეტილება საზღვარგარეთ წასვლის გამო მიიღო, სადაც მისი ოჯახი ცხოვრობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა