ISIS-ის ე.წ. ომის მინისტრი გულმუროდ ხალიმოვი ლიკვიდირებულია

2017-09-08 03:52:41, 2538 ნახვა

მსოფლიო

რუსეთის ავიაციამ სირიის ქალაქ დეირ-ეზ-ზორთან ტერორისტული დაჯგუფება „ისლამური სახელმწიფოს“ სამეთაურო პუნქტი დაბომბა, რის შედეგადაც დაჯგუფების ერთ-ერთი მეთაური დაიღუპა, - ამის შესახებ BBC იუწყება.

მედია საშუალების ინფორმაციით, დაღუპული ISIS-ის ე.წ. ომის მინისტრი გულმუროდ ხალიმოვია.

რუსეთის თავდაცვის სამინისტროს ცნობით, ავიაიერიშებს სულ 40-მდე ისლამისტი ემსხვერპლა. უწყებაში აცხადებენ, რომ იერიში მას შემდეგ მიიტანეს, რაც მათთვის დაჯგუფების მეთაურების თათბირის ჩატარების შესახებ მიიღეს ინფორმაცია.

ცნობისთვის, გულმუროდ ხალიმოვი, მეტსახელად ალ-ტაჯიკი, „ისლამური სახელმწიფოს“ რიგებში 2015 წელს გაწევრიანდა. ტაჯიკეთში მას სახელმწიფო ღალატში დასდეს ბრალი და მასზე ძებნა გამოცხადდა. გასულ წელს აშშ-ის სახელმწიფო დეპარტამენტმა ხალიმოვის შესახებ ინფორმაციის სანაცვლოდ 3 მილიონი დოლარის ოდენობის ჯილდო დააწესა. ალ-ტაჯიკი „ისლამური სახელმწიფოს“ საველე მეთაური თარხან ბათირაშვილის ლიკვიდაციის შემდეგ გახდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები