„პრეზიდენტი, რომელიც ყურით დაჰყავთ ერთი ადგილიდან მეორეში, ვერ განახორციელებს იმ ვალდებულებებს, რაც გააჩნია“, - ამის შესახებ საქართველოს პრეზიდენტმა გიორგი მარგველაშვილმა „მაესტროს ცხრიანში“ განაცხადა.

როგორც პრეზიდენტმა აღნიშნა, მისთვის ავლაბრის რეზიდენციიდან ათონელის რეზიდენციაში გადასვლა როგორც ქვეყნის იმიჯის, ასევე პრეზიდენტის ინსტიტუტის იმიჯის შემლახველი იქნებოდა.

მარგველაშვილის თქმით, მან იმ ნაბიჯით, რომ რეზიდენციასთან დაკავშირებით პოზიცია  არ შეიცვალა, როგორც პრეზიდენტის ინსტიტუტი, ასევე თითოეული მოქალაქე დაიცვა.

„სულ მქონდა იმედი, რომ ეს მოგვარდებოდა, მაგრამ ბოლო მომენტში, როდესაც დავინახე რომ ეს მიზანიმიმართული პოლიტიკა, როდესაც ნათლად დავინახე რომ მთავრობამ უარი განაცხადა ჩემს გამოსვლაზე დასწრებაზე. ეს იყო ჩემთვის სიგნალი, მე მივხვდი, რომ როდესაც დავბრუნდებოდი იქ, სადაც ვმუშაობდი, საპრეზიდენტო უფლებამოსილების განხორციელებას სერიოზული პრობლემა შეექმენებოდა და მე გადავდგი საკმაოდ რთული ნაბიჯი, მაგრამ ეს გასაკეთებელი იყო და საჩვენებლი იყო, რომ პრეზიდენტს ასე ადგილს ვერ მიუჩენენ. ამის მერე გადასვლაზე აღარ მიფიქრია. მე რომ ეს გამეკეთებინა, ჩვენ მივიღებდით რთულ ვითარებას. ეს არის საქართველოს იმიჯის დაცვა, პრეზიდენტის იმიჯის დაცვა და მოქალაქეების დაცვა. ჩემი უკან დახევა იქნებოდა საქართველოს სახელმწიფოებრიობის შერყევა, იმიტომ, რომ პრეზიდენტი, რომელიც ყურით დაჰყავთ ერთი ადგილიდან მეორეში, ვერ განახორციელებს იმ ვალდებულებებს, რაც გააჩნია“,-განაცხადა მარგველაშვილმა.

როგორც პრეზიდენტმა აღნიშნა, მისთვის მთავარი სიგნალი, რომ პრეზიდენტის ინსტიტუტის დისკრედიტაცია იგეგმებოდა, იყო დღე, როდესაც პარლამენტში მის სიტყვით გამოსვლას მთავრობა არ დაესწრო. როგორც პრეზიდენტი აცხადებს, სწორედ ამის შემდეგ მიიღო გადაწყვეტილება ავლაბრის რეზიდენციაში გადასულიყო.

„როდესაც მე ვამბობდი, რომ ამ რეზიდენციაში მინდოდა გახსნილიყო უნივერსიტეტი, მშინ ვსაუბრობდი, როგორც განათლების მინისტრი, თუმცა, პრეზიდენტად არჩევის შემდეგ ვითარება შეიცვალა, შეიცვალა ბევრი თვალსაზრისით, შეიცვალა ის შეთანხმება, რომელიც იყო როგორ მოეწყობოდა დროებითი საცხოვრებელი ფართი, მაგრამ უფრო მნიშვნელოვნად შეიცვალა გარემო, რომელიც ჩემთვის ძალიან უცნაური იყო, ეს მდგომარეობდა იმაში, რომ მე დავინახე რომ ხორციელდებოდა მეთოდური მცდელობა პრეზიდენტის ინსტიტუტის დაკნინების და მისი გადაყვანის უკან პლანზე“,-განაცხადა მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს