„ნაციონალური მოძრაობის“ წევრი რომან გოცირიძე ლარის გაუფასურებაში ხელისუფლებას ადანაშაულებს.

როგორც გოცირიძე Facebook-ის საკუთარ გვერდზე წერს, დღეს მთავარი პრობლემა ლარი და ფასებია და ეკონომიკის სტიმულირების მთავარი მექანიზმი ლარის სტაბილიზაცია უნდა იყოს.

„ლარის გაუფასურებაში მთავრობაა დამნაშავე. 585 მილიონი ლარი გასცა სესხი კომერციულ ბანკებზე. მხოლოდ ბოლო ორ თვეში 400 მილიონი ლარი. მევახშეობას ეწევა. ბიუჯეტის ფულს აპროცენტებს. ამას, მათი ჭკუით, ეკონომიკის ფულის ემისიით სტიმულირება ჰქვია. აბსოლუტურად ვერ ერკვევიან პრიორიტეტებში. დღეს მთავარი პრობლემა ლარი და ფასებია და ეკონომიკის სტიმულირების მთავარი მექანიზმი ლარის სტაბილიზაცია უნდა იყოს.

ახლა ბანკები აგროვებენ დოლარებს ცუდი მოლოდინების გამო. მის შესასყიდ ფულს კი მთავრობა აძლევს. სრული აბსურდია.

ბანკები კარგს არაფერს ელიან. დარჩენილ ოთხ თვეში 4 მილიარდი ლარია დასახარჯი ბიუჯეტიდან, თანაც წინასაარჩევნო საჭიროებისათვის.

ეროვნული ბანკი მიხვდა და საკმაოდ შეამცირა რეფინანსირების სესხები. თუმცა მისი ეფექტი ნულოვანი გამოდგა. იმაზე მეტი ფული მთავრობამ მისცა ბანკებს, თანაც უფრო ხანგრძლივვადიანი დეპოზიტების სახით.

ამაში ეროვნული ბანკიცაა დამნაშავე. კანონით იგი არის მთავრობის ბანკირი და მრჩეველი. უნდა ამბობდეს ხმამაღლა, რომ რასაც მთავრობა სჩადის, პირდაპირ ურტყამს ლარს და ფასებს“, - წერს რომან გოცირიძე.

ცნობისთვის, ბოლო დღეებში ლარი თითქმის ყველა ვალუტასთან მიმართებაში უფასურდება. ოფიციალური კურსით, 1 დოლარი დღეს 2.4502 ლარი ღირს, ევრო კი, 2.9177 ლარი.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს