საქართველოს საგარეო საქმეთა მინისტრი მიხეილ ჯანელიძე რუსეთისთვის ბორჯომის ხეობაში სტიქიასთან საბრძოლველად დახმარების თხოვნის საკითხზე ოპოზიციის განცხადებებს უპასუხისმგებლოს უწოდებს.

ჯანელიძის თქმით, საქართველოს მთავრობას რუსეთთან დაკავშირებით საზოგადოებისთვის არაფერი დაუმალია და პარლამენტში მისვლით იმაზე მეტს ვერ იტყვის, რაც საჯაროდ ცნობილია:

„რუსეთთან მიმართებით, არც ერთი ნაბიჯი არც ერთი ქმედება საქართველოს მთავრობის მხრიდან დამალული არ ყოფილა, ის განცხადებები, რასაც ვისმენთ ოპოზიციიდან, არის მხოლოდ უპასუხისმგებლო განცხადებები და ოპოზიცია მაშინ იქნება პასუხისმგებელი თავის ქვეყანაზე, როდესაც ის მოვა ხელისუფლებაში და მაშინ აგოს მან პასუხი თითოეული კრიზისული სიტუაციის გადალახვის  თითოეულ ნაბიჯზე.

ოპოზიციის ის შეფასებები, რაც ამ საკითხზე მოვისმინე, არის სრულიად უპასუხისმგებლო  და პოლიტიკური სპეკულაციის მატარებელი. ოპოზიციამ იცოდა  რუსეთის დახმარების შესახებ 22 რიცხვშივე, თუ რაიმე კითხვა არსებობდა რომელიმე დეპუტატის მხრიდან,  ან რომელიმე ჟურნალისტის მხრიდან, საზოგადოების მხრიდან, საქართველოს მთავრობა ნებისმიერი კომუნიკაციისთვის ღია იყო და რჩება. არაფერი დამალული არ ყოფილა, ამიტომ დამატებითი ინფორმაცია, რაც უკვე მიწოდებულია საზოგადოებისთვის, არ შეგვიძლია არავის მივაწოდოთ, რადგან ეს არის სრულყოფილი ინფორმაცია“,-აღნიშნა მიხეილ ჯანელიძემ „იმედის“ ეთერში.

შეგახსენებთ, „ნაციონალური მოძრაობა“ საგარეო საქმეთა მინისტრს პარლამენტში იწვევს. სალომე სამადაშვილის განცხადებით, მინისტრისგან აინტერესებთ,  რატომ მიმართა მთავრობამ სტიქიასთან საბრძოლველად დახმარებისათვის ოკუპანტ ქვეყანას, მაშინ, როდესაც ევროკავშირისგან დახმარების მარაგი ჯერ კიდევ არსებობდა.

ავტორი: ,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს