ბათუმში გაზგასამართ საწყობში აფეთქება მოხდა - ადგილზე 60 მაშველია მობილიზებული

2017-08-16 14:21:39, 2849 ნახვა

საზოგადოება რეგიონი

ბათუმში გაზგასამართ საწყობში აფეთქება მოხდა.

როგორც "ექსპრესნიუსს" საგანგებო სიტუაციების მართვის სააგენტოში განუცხადეს, აფეთქების შედეგად 4 სახლი მნიშვნელოვნად დაზიანდა, 2 მათგანს კი, ცეცხლი გაუჩნდა.

მათივე ინფორმაციით, ხანძარი ამ დროისთვის ლოკალიზებულია და ცალკეული კერების ქრობა მიმდინარეობს.

სააგენტოში აცხადებენ, რომ ხანძრის გავრცელების საფრთხე არ არსებობს.

"გაზგასამართ საწყობში აფეთქება მოხდა, სადაც ცისტერნები იყო განთავსებული. მაშველები დროულად მივიდნენ ადგილზე. ამ წუთებში ხანძრის ლიკვიდირებაზე მუშაობენ. ადგილზე 60 მეხანძრე-მაშველი, საჭირო ტექნიკით არის მობილიზებული", - განუცხადეს "ექსპრესნიუსს" სააგენტოში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან