2017-08-11 17:43:37, 2729 ნახვა

---

თურქეთში ISIS-ის წევრობის ბრალდებით დაკავებულ რუსეთის მოქალაქეს 6 წლით თავისუფლების აღკვეთა მიუსაჯეს

თურქეთში დაკავებულ რუსეთის მოქალაქეს, რომელიც შესაძლოა "ისლამურ სახელმწიფოსთან" იყოს კავშირში, 6 წლითა და 3 თვით თავისუფლების აღკვეთა მიუსაჯეს, - ამის შესახებ თურქული გამოცემა Sabah-ი იუწყება.

მედია საშუალების ინფორმაციით, გარდა ტერორისტულ დაჯგუფებასთან შესაძლო კავშირისა, ბაკიევს ტერაქტის მოწყობის დაგეგმვას ედავებიან. კერძოდ კი, გავრცელებული ცნობით, მამაკაცი დრონის მეშვეობით ამერიკის შეერთებული შტატების სამხედრო ვერტმფრენის ჩამოგდებას აპირებდა.

თურქული მედია წერს, რომ ეს არ არის ბაკიევის პირველი დაკავება. მანამდე, ის თურქეთ-სირიის საზღვარზე დააკავეს და დაადეპორტეს, რის შემდეგაც მას თურქეთის ტერიტორიაზე შემოსვლა ეკრძალებოდა.

შეგახსენებთ, რომ თურქეთში ტერორისტული დაჯგუფება „ისლამური სახელმწიფოს“ წევრობის ბრალდებით რუსეთის მოქალაქე რენატ ბაკიევი გუშინ დააკავეს.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი