გამზარდია: იმედი მაქვს, სასამართლოს გაუჩნდება ვარაუდი, თეთრუაშვილის თემის ზემოთაც წაიყვანოს პროცესი

2017-07-11 12:49:38, 2385 ნახვა

სამართალი კომენტარი

ე.წ. ციანიდის საქმეზე ანალიტიკოსი არჩილ გამზარდია დაიკითხა.

როგორც მან ჟურნალისტებს განუცხადა, სასამართლოს მიაწოდა ინფორმაცია, თუ რის საფუძველზე ჰქონდა პატრიარქთან დაკავშირებით მოსაზრებები, რომელიც სოციალური ქსელის მეშვეობით გაავრცელა.

"ხაზი გავუსვი იმას, რომ ჩემი მოსაზრებები ეხება პატრიარქის შესაძლო ლიკვიდაციის თემას. ვფიქრობ და იმედი მაქვს, რომ სასამართლოს გაუჩნდება ვარაუდი, რომ ამ მიმართულებით წაიყვანოს პროცესი, თეთრუაშვილის თემის ზემოთაც. პირადად ჩემი პოზიციაა, რომ შორენა თეთრუაშვილის შესაძლო ლიკვიდაციის მომზადება შეიძლება იყოს მოტივირებული ერთი მიზეზით, ეს შეიძლება იყოს პატრიარქის შესაძლო ლიკვიდაციის ინტერესი. არ ვამტკიცებ, რომ ჭეშმარიტებაა ჩემი აზრი. უბრალოდ მე პირადად პროცესს შორენა თეთრუაშვილის და დეკანოზის შუღლის დონეზე არ განვიხილავ, განვიხილავ უფრო გლობალურად",-განაცხადა არჩილ გამზარდიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან