მამა გიორგი მამალაძე 6 მაღალჩინოსნისგან, მათ შორის პრემიერ-მინისტრისგან ბოდიშის მოხდას ითხოვს

2017-07-11 11:23:13, 2224 ნახვა

სამართალი

მამა გიორგი მამალაძე პატივისა და ღირსების შელახვისთვის 6 მაღალჩინოსნისგან, მათ შორის პრემიერ-მინისტრისგან ბოდიშის მოხდას ითხოვს.

როგორც ადვოკატმა მიხეილ რამიშვილმა ჟურნალისტებს განუცხადა, შესაბამისი სარჩელი, რომელიც საქალაქო სასამართლომ წარმოებაში არ მიიღო, სააპელაციო სასამართლოშია გაგზავნილი.

„ორი სამოქალაქო სარჩელი დაიწერა, პატივის, ღირსების შელახვისთვის და მორალური ზიანის ანაზღაურებისთვის. ერთი ეხებოდა ედიშერ ქარჩავას, რომელიც გარკვეული ბრძოლის და შენიშვნების მიღების შემდეგ მიღებული იქნა სასამართლო მიერ და ანალოგიური შინაარსით ხელისუფლების მაღალჩინოსნების მიმართ მოთხოვნა იგივე პატივისა და ღირსების შელახვასთან დაკავშირებით, სასამართლომ არ მიიღო. ჩვენ არ გვინდა შერჩევითი სამართლის პრეცედენტი იყოს დაშვებული და სააპელაციო სასამართლოს მივმართეთ. მათ გადაწყვიტონ, რამდენად მისაღები იყო პირველი ინსტანციის გადაწყვეტილება“, - აღნიშნა მიხეილ რამიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან