„ხელისუფლების გამოფხიზლებაზე ბევრი რამაა დამოკიდებული, თუ მთავრობა აქტიურ თანამშრომლობაზე წავა ბიზნესსექტორთან, წლის მეორე ნახევარი და მომდევნო წლები ეკონომიკური ზრდის კუთხით გაცილებით უკეთესი იქნება“, - ამის შესახებ  ბიზნესასოციაციის პრეზიდენტმა გიორგი ჭირაქაძემ ჟურნალისტებს ქვეყნის მაკროეკონომიკური მაჩვენებლების საკითხის კომენტირების განუცხადა.
„მთავრობა და საერთაშორისო სავალუტო ფონდი ამბობს, რომ წელს საქართველოში ეკონომიკური ზრდა ორ პროცენტზე მეტი არ იქნება და ბიზნესსაც ანალოგიური მოლოდინი გვაქვს. რასაკვირველია, ეს კარგი არაა, თუმცა მთავარია ვუყუროთ მომავალს, ვიფიქროთ, რომ ეს დროებითი მოვლენაა და განვახორციელოთ ინვესტიციები იმისათვის, რომ მომავალი წლები უკეთესი იყოს. ხელისუფლების გამოფხიზლებაზე ბევრი რამაა დამოკიდებული. თუნდაც ლარის დევალვაციასთან დაკავშირებით, ძალიან მნიშვნელოვანი იყო ხელისუფლებას რეალური ეკონომიკური ნაბიჯები გადაედგა, ბიზნესთან უფრო აქტიურ თანამშრომლობაზე წამოსულიყო. თუ მთავრობა აქტიურად ითანამშრომლებს ბიზნესსექტორთან, რასაც ჩვენ უკვე ვხედავთ, წლის მეორე ნახევარი და მომდევნო წლები ეკონომიკური ზრდის კუთხით გაცილებით უკეთესი იქნება“, - განაცხადა გიორგი ჭირაქაძემ.
მისივე თქმით, Fitch Ratings-მა საქართველოს გარდა ყველა მეზობელ ქვეყანას შეუმცირა სუვერენული რეიტინგი და ეს უკვე პოზიტიური მოვლენაა.
ბიზნესასოციაციის წევრი კომპანიის, „ვისოლის“ დირექტორთა საბჭოს თავმჯდომარის, სოსო ფხაკაძის განცხადებით კი ბიზნესიც და მთავრობაც ყოველდღიურ საქმიანობაში გრძნობს, რომ საგარეო ფაქტორებიდან გამომდინარე, ქვეყანაში ეკონომიკური ზრდის მაღალი ტემპები აღარ იქნება. მისივე თქმით, ეკონომიკური ზრდის ტემპის შემცირებისას მოთხოვნის მოცულობა კლებულობს, რაც ნებისმიერ ბიზნესზე აისახება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს კინოცენტრი: ლოკარნოს კინოფესტივალზე ფილმი „ცრემლსადენი გაზი“ არ დაგვიბლოკავს

ახალი სასკოლო ფორმების გაყიდვა საქართველოში 1 სექტემბერს დაიწყება

რუსეთი აფხაზეთის ე.წ საზღვარზე საკონტროლო-გამშვები პუნქტის ფეხით მოსიარულეთა მონაკვეთს გააკეთებს

Tv pirveli: ირაკლი ღარიბაშვილთან ციხეში ადვოკატის სახელით მისი ცოლის და შევიდა