თბილისის მერის მოადგილის ირაკლი ლექვინაძის განცხადებით, შემოვლითი რკინიგზის პროექტთან დაკავშირებით, მუშაობა შეჩერებული არ არის.

როგორც ლექვინაძემ აღნიშნა, მიმდინარეობა უფრო ეფექტური და ალტერნატიული გზების მოძიება, რადგან ძველი ვარიანტი არაეფექტური და არამომგებიანი იყო. 

„ამ პროცესს საქართველოს რკინიგზა ახორციელებს და როდესაც კვლევის შედეგები ექნება, ბუნებრივია, ის ამას გაასაჯაროებს. თბილისის მერიის პოზიცია ამ საკითხთან მიმართებაში ძალიან მარტივია. ჩვენი სურვილია, რკინიგზა თბილისს გარეთ გატანილი იყოს, რადგან დედაქალაქში უფრო მეტის განვითარების შესაძლებლობა გაჩნდეს. ეს სარეკრეაციო სივრცე, ახალი სატრანსპორტო კორიდორი თუ ურბანული განვითარების სხვადასხვა მიმართულება იქნება. ტექნიკურ-ეკონომიკური კვლევა აჩვენებს, არსებული სცენარებიდან ყველაზე მიზანშეწონილი რომელი იქნება. 

წინა პროექტის შეჩერება პოლიტიკური მოტივით არ მომხდარა და ჩვენი ოპონენტები ამ შემთხვევაში იყტუებიან, რადგანაც ავსტრიული კომპანიის კვლევამაც აჩვენა, რომ ძველ პროექტს ხარვეზები, როგორც ტექნიკურ ნაწილში ჰქონდა, ქანობების და ასევე, ტექნიკური პრობლემა იყო. გარდა ამისა, ის საკმაოდ არამომგებიანი იყო. უკვე ინვესტირებულ თანხას, რომლის ფარგლებშიც, გარკვეული ღონისძიებებია ჩატარებული, მიმდინარე ტექნიკურ-ეკონომიკური კვლევაც გარკვეული ალტერნატივების განხილვას მოიცავს და დამერწმუნეთ, ისეთი გადაწყვეტილება იქნება მიღებული, რომელიც ამ ინვესტირებული თანხების დღემდე მიღებული შედეგის ეფექტურად გამოყენებას უზრუნველყოფს“, - განაცხადა ირაკლი ლექვინაძემ. 

ცნობისთვის, დღეს, „ნაციონალური მოძრაობის“ თბილისის მერობის კანდიდატმა განაცხადა, რომ შემოვლითი რკინიგზის პროექტი იმის გამო შეჩერდა, რომ წინა ხელისუფლების მიერ იყო წამოწყებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიუსელი ხარობს: უნგრეთი ორბანის დამარცხების შემდეგ ევროპის გულში ბრუნდება

ირანი აშშ-ს აფრთხილებს: ნებისმიერი საზღვაო ბლოკადა წარუმატებლობისთვისაა განწირული

თეთრი სახლი სამშვიდობო მოლაპარაკებების ჩაშლის შემდეგ ირანზე დარტყმების განახლების საკითხს განიხილავს

პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო