კახი კალაძე: ყველა ცვლილება არის სწრაფვა უკეთესობისკენ

2015-04-21 15:49:15, 395 ნახვა

პოლიტიკა

ვიცე-პრემიერ კახი კალაძის განცხადებით, რეგიონული განვითარებისა და ინფრასტრუქტურის მინისტრის გადადგომის თაობაზე მედიის მეშვეობით შეიტყო.
მისივე თქმით, მთავრობაში ცვლილებები ნორმალური პროცესია.
"ამ ცვლილებასთან დაკავშირებით პირველად თქვენგან გავიგე როდესაც აქ მოვდიოდი. ვფიქრობ, ზოგადად ცვლილებები მთავრობაში ნორმალური პროცესია.ხდება ხოლმე.ყველა ცვლილება არის სწრაფვა უკეთესობისკენ",-განაცხადა კახი კალაძემ.
შეგახსენებთ, საქართველოს რეგიონული განვითარებისა და ინფრასტრუქტურის მინისტრმა დავით შავლიაშვილმა საქართველოს პრემიერ-მინისტრს ირაკლი ღარიბაშვილი თანამდებობიდან გადადგომის თხოვნით მიმართა. სამინისტროს ინფორმაციით, გადაწყვეტილება დავით შავლიაშვილის ჯანმრთელობის მდგომარეობის გაუარესებამ გამოიწვია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან