იურიდიულ საკითხთა კომიტეტის თავმჯდომარის ეკა ბესელიას შეფასებით, კახა კალაძის თბილისის მერობის კანდიდატად არჩევა, მმართველი გუნდის სწორი გადაწყვეტილებაა.

როგორც ბესელიამ ჟურნალისტებს განუცხადა, კახა კალაძე გუნდის გამორჩეული წევრია.

„ჩვენმა გუნდმა მიიღო ძალიან სწორი გადაწყვეტილება. კახი კალაძე არის გამოცდილი, ძალიან კარგი და ძალიან მნიშვნელოვანი კანდიდატი, ასევე არის გამოცდილი პოლიტიკოსი. აქვს ყველა ის თვისება, რომელიც სჭირდება, რომ იყოს წარმატებული ქალაქის წარმატებული მერი. კახი იყო და არის გამორჩეული მთავრობის გუნდში, თავისი პასუხისმგებლობით და დამოკიდებულებით საქმისადმი. ეს გადაწყვეტილება ერთობლივად მივიღეთ“, - აღნიშნა ეკა ბესელიამ.

ცნობისთვის, პრემიერ-მინისტრი, "ქართული ოცნების" თავმჯდომარე გიორგი კვირიკაშვილი, თბილისის მერობის კანდიდატად კახა კალაძეს დღეს, 20:00 საათზე, მთაწმინდის პარკში ოფიციალურად წარადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიუსელი ხარობს: უნგრეთი ორბანის დამარცხების შემდეგ ევროპის გულში ბრუნდება

ირანი აშშ-ს აფრთხილებს: ნებისმიერი საზღვაო ბლოკადა წარუმატებლობისთვისაა განწირული

თეთრი სახლი სამშვიდობო მოლაპარაკებების ჩაშლის შემდეგ ირანზე დარტყმების განახლების საკითხს განიხილავს

პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო