მდინარაძე: თუ ბიძინა ივანიშვილი საარჩევნო კამპანიაში ჩაერთვება, ბუნებრივია, ეს გუნდს პოზიტივს მოუტანს

2017-07-01 13:56:11, 2366 ნახვა

პოლიტიკა კომენტარი

ფრაქცია „ქართული ოცნების“ თავმჯდომარის მამუკა მდინარაძის განცხადებით, მისთვის უცნობია დაესწრება თუ არა კახი კალაძის ოფიციალურ წარდგენას საქართველოს ყოფილი პრემიერ-მინისტრი ბიძინა ივანიშვილი.

მდინარაძის თქმით, თუ ყოფილი პრემიერი საარჩევნო კამპანიაში ჩაერთვება, ეს გუნდისთვის პოზიტივის მომტანი იქნება.

„ბატონი ბიძინა, ბუნებრივია დღევანდელ ღონისძიებაზე უნდა იყოს მოწვეული. ნამდვილად არ მაქვს ინფორმაცია დაესწრება თუ არა დღევანდელ წარდგენას მთაწმინდის პარკში. რაც შეეხება მის ჩართვას საარჩევნო კამპანიაში, ის მასში არ ჩაერთვება, თუმცა თუ ჩაერთვება, ბუნებრივია ეს გუნდს მხოლოდ პოზიტივს მოუტანს“, - აღნიშნა პოლიტიკოსმა.

ცნობისთვის, პრემიერ-მინისტრი, "ქართული ოცნების" თავმჯდომარე გიორგი კვირიკაშვილი, თბილისის მერობის კანდიდატად კახა კალაძეს დღეს, 20:00 საათზე, მთაწმინდის პარკში ოფიციალურად წარადგენს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან