ბუკიკიო: საკონსტიტუციო ცვლილებების ტექსტი მთლიანობაში კარგია, თუმცა არის დეტალები, რომლის გასწორებაც საჭიროა

2017-06-28 21:39:00, 2353 ნახვა

პოლიტიკა კომენტარი

ვენეციის კომისიის პრეზიდენტის ჯანი ბუკიკიოს შეფასებით, საკონსტიტუციო ცვლილებებთან დაკავშირებული ტექსტი მთლიანობაში კარგია, თუმცა არის დეტალები, რომლის გასწორებაც საჭიროა.

ამის შესახებ ბუკიკიომ ჟურნალისტებს ბათუმში განუცხადა.

„ჩვენ გამოვაქვეყნეთ დასკვნა, რომლის შინაარსმაც საქართველოში მანამდეც გაჟონა. შესაბამისად, ჩვენი პოზიცია ახლა უკვე საჯაროდაა ცნობილი. მთლიანობაში, გლობალურად ტექსტი ძალიან კარგია, თუმცა არის დეტალები, რომლის გასწორებაც საჭიროა. მაგალითად, მოსამართლეების არჩევის წესის ნაწილში, ასევე, კვალიფიციური და უბრალო უმრავლესობის ნაწილში და ასე შემდეგ“, - განაცხადა ბუკიკიომ.

მან ასევე აღნიშნა, რომ „საქართველოში პროპორციული საარჩევნო სისტემის შემოღების 2024 წლამდე გადავადებით ძალიან იმედგაცრუებულია“.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან