ლონდონის პოლიციამ Grenfell Tower-ის ხანძრის საქმეს მასობრივი მკვლელობის კვალიფიკაცია მიანიჭა, - ამის შესახებ BBC იუწყება.

მედია საშუალების ინფორმაციით, ხანძრის საბოლოო მიზეზად სამართალდამცველებმა ძველი მაცივრის გაუმართავი სისტემა დაასახელეს.

სამარტალდამცველების თქმით, მაცივარი მე-4 სართულზე მდებარე ერთ-ერთ ბინაში აფეთქდა, რის შემდეგაც ცეცხლი მთელ საცხოვრებელ კორპუსს მოედო. ასევე ცნობილია, რომ შენობაში ხანძრის საწინააღმდეგო სისტემა არ მუშაობდა. მომხდართან დაკავშირებით გამოძიება გრძელდება.

ცნობისთვის, ლონდონში Grenfell Tower-ის ტიპის 600-მდე შენობაში მონიტორინგი მიმდინარეობს. მსგავსი ტრაგედიის პრენეციის მიზნით, სამართალდამცველები ხანძრის საწინააღმდეგო სისტემებს ამოწმებენ. ხანძრის შემდეგ კენსიგტონის გამგებელმა თანამდებობა დატოვა.

შეგახსენებთ, რომ კენსიგტონში მდებარე 24-სართულიან საცხოვრებელ კორპუსში ხანძარს 79 ადამიანის სიცოცხლე ემსხვერპლა. ცხედრების იდენტიფიცირება ამ დრომდე მიმდინარეობს. კენსინგტონში მდებარე Grenfell Tower, სადაც 127 ბინა იყო განლაგებული, 1974 წელს აშენდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირმა საფრანგეთში მომხდარ პოგრომებთან რუსეთის კავშირის ძიება დაიწყო

ვიტკოფმა სამმხრივი ტექნიკური დონის მოლაპარაკებები გამოაცხადა

ALDE: ოცნება რეპრესიებს აღრმავებს - ევროკავშირმა უფრო მკაცრი სანქციებით უნდა უპასუხოს

კლანის წევრის რევაზ ნადარაიას ისტერიკა საკონსტიტუციო სასამართლოს სხდომაზე