ბათუმში ავტომანქანა ქვეითად მოსიარულე გოგონას დაეჯახა - დაშავებულის მდგომარეობა კრიტიკულია

2017-06-21 23:43:17, 2014 ნახვა

საზოგადოება

ავტოსაგზაო შემთხვევა ბათუმში - ჭავჭავაძის ქუჩაზე ავტომანქანა ქვეითად მოსიარულე გოგონას დაეჯახა, - ინფორმაციას „საზოგადოებრივი მაუწყებელი“ ავრცელებს“

მედია საშუალების ინფორმაციით, დაშავებულის მდგომარეობა კრიტიკულია.

„25 წლამდე გოგონას ავტომანქანა შეეჯახა. სასწრაფო დახმარება რამდენიმე წუთში მივიდა ადგილზე და დაშავებული რესპუბლიკურ საავადმყოფოში გადაიყვანა, იგი უკონტაქტოა და მძიმე მდგომარეობაში იმყოფება, აქვს ქალა ტვინის მძიმე დაზიანება",- განაცხადა ბათუმის სასწრაფო დახმარების სამსახურის უფროსმა ბადრი პაქსაძემ.

აღნიშნულ ფაქტზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან