„მე, რეალურად ვხედავ, რომ  არც ერთ შემთხვევაში 2020 წელს  კოალიციური მთავრობის შექმნა არ არის შესაძლებელი“,-ამის შესახებ საპარლამენტო უმრავლესობის წევრმა გია ვოლსკიმ პარლამენტის რიგგარეშე სხდომაზე  განაცხადა, სადაც კონსტიტუციურ ცვლილებებს პირველი მოსმენით განიხილავენ.

ამასთან, ვოლსკის შეფასებით, უსამართლობა არაა, პირველ ადგილზე გასულ პარტიას მეტი მაჟორიტარი ჰყავდეს.

მისივე განმარტებით, 2020 წელს არჩევნების შერეული სისტემით ჩატარება და  მხოლოდ 2024 წლიდან გადასვლა პროპორციულ საარჩევნო სისტემაზე, არა რომელიმე პირის, არამედ  ქვეყნის ინტერესებს ემსახურება:

„ არ არის აუცილებელი „ქართულმა ოცნებამ“ გაიმარჯვოს 2020 წელს, მაგრამ რეალურად, პარტია, რომელიც პირველ ადგილზეა, იმას რეალური შანსი აქვს, რომ მაჟორიტარების რაოდენობაც უფრო მეტი ჰქონდეს. კატეგორიულად ვეწინააღმდეგები მოსაზრებას, რომ ეს უსამართლობაა. აქედან გამომდინარე, თემა, რომ 2020 წელს ჩავატაროთ შერეული არჩევნები და 2024 წელს გადავიდეთ პროპორციულზე, ეს უკავშირდება არა რომელიმე პარტიის, ან კერძო პირის ინტერესს, არამედ ქვეყნის ინტერესია, რომ ჰქონდეს სტაბილური მთავრობა და შეეძლოს ქვეყნის მართვა ამ საკმაოდ სერიოზულ გამოწვევებში“,-განაცხადა გია ვოლსკიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო უკრაინას საშუალებას მისცემს, უფრო სწრაფად და იაფად მიიღოს იარაღი

სტივენ კინგი - დონალდ ტრამპი - ბევრად უფრო საზარელია, ვიდრე ნებისმიერი მონსტრი, ბოროტმოქმედი თუ სულებით სავსე სასტუმრო

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ