ბიძინა ივანიშვილი: გაოცებული ვარ, რომ ალასანიას განცხადებას არცერთი ჩემი თანაგუნდელი არ გამოეხმაურა

2015-04-20 10:07:31, 613 ნახვა

პოლიტიკა

ყოფილი პერმიერ-მინისტრი ბიძინა ივანიშვილი გაოცებულია, რომ „თავისუფალი დემოკარტების“ ლიდერის ირაკლი ალასანიას განცხადებას, რომლის თანახმადაც ივანიშვილი ქვეყნის მთავარი მტერია, მისი არცერთი თანაგუნდელი არ გამოეხმაურა.

ამის შესახებ ივანიშვილმა გადაცემა "კვირის 20/30"-ში განაცხადა.

„"ნაციონალური მოძრაობა" ამბობს, რომ ბიძინა ივანიშვილი არის ქვეყნის მთავარი პრობლემა, ამაში მათ ირაკლი ალასანია დაეთანხმა და სხვათა შორის, ამას არც ერთი ჩემი თანაგუნდელი არ გამოეხმაურა. ალასანიამ გაიმეორა იგივე, რასაც გიგა ბოკერია და მთელი "ნაციონალური მოძრაობა" საუბრობს მუდამ, რომ ივანიშვილია ქვეყნის მთავარი პრობლემა და გუნდის არც ერთი წევრი არ გამოსულა და არ უთქვამს, ამას ეთანხმებიან თუ არა, რამაც სხვათა შორის, გამაოცა", - განაცხადა ბიძინა ივანიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან