ჯგუფ Birja Mafia-ს კლიპში, პოლიციელის როლის შემსრულებელი გიორგი გაგუა თბილისის პროკურატურაში დაკითხვაზე იმყოფება.
გაგუას ჟურნალისტებთან კომენტარი არ გაუკეთებია.
საგამოძიებო უწყებაში პოლიციელის როლის შემსრულებელი მშობლებთან ერთად მივიდა.
გიორგი გაგუას დაკითხვა სავარაუდოდ მის მიერ, სოციალურ ქსელში გავრცელებულ ვიდეოს უკავშირდება, სადაც მან აღნიშნა, რომ მისთვის უცნობი იყო Birja Mafia-ს კლიპის შინაარსი და მასში მონაწილეობით "დიდი შეცდომა დაუშვა".
შეგახსენებთ, რომ გიორგი გაგუას გარდა, პროკურატურაში რეპერი გიორგი პავლიაშვილი იგივე "მასტერი" იმყოფება. რეპერი დაკითხვაზე დაბარებას სოციალურ ქსელში გავრცელებულ მიმოწერას უკავშირებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
News Agency ExpressNews - ექსპრესნიუსი
Epn.ge
Lifestyle News & More