ლუკაშენკო მოსკოვში 9 მაისს დაგეგმილ აღლუმს არ დაესწრება

2015-04-18 16:45:11, 453 ნახვა

პოლიტიკა

ბელარუსის პრეზიდენტი ალექსანდ ლუკაშენკო მოსკოვში 9 მაისს დაგეგმილ აღლუმს არ დაესწრება.

ამის შესახებ BBC იუწყება.

ლუკაშენკოს თქმით, ის მინსკში სამხედრო აღლუმს ჩაიბარებს, შესაბამისად, მოსკოვში ვერ დარჩება.

„აღლუმს მხოლოდ უმაღლესი მთავარსარდალი იბარებს, ამიტომ მოსკოვში 9 მაისს ვერ ვიქნები. თუმცა, ვფიქრობ, 7 ან 8 მაისს უცნობი ჯარისკაცის საფლავს ყვავილებით შევამკობ“, – განაცხადა ბელარუსის ლიდერმა.

აღსანიშნავია, რომ მანამდე მოსკოვში 9 მაისის ღონისძიებებში მონაწილეობაზე უარი აშშ–ს პრეზიდენტმა ბარაკ ობამამ, გერმანიის კანცლერმა ანგელა მერკელმა, საფრანგეთის, პოლონეთის, ლიტვის, ლატვიის, ესტონეთის, უკრაინისა და ევროკავშირის პრეზიდენტებმა და იაპონიისა და ავსტრიის პრემიერებმა განაცხადეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან