აჭარის ა/რ მთავრობის თავმჯდომარემ ზურაბ პატარაძემ ასტანაში გამოფენის "ASTANA EXPO-2017" ფარგლებში საქართველოს პავილიონი დაათვალიერა.

აჭარის ა/რ მთავრობის ადმინისტრაციის პრესსამსახურის ინფორმაციით, "ექსპო 2017"-ზე წარმოდგენილი იყო სიახლეები სხვადასხვა ქვეყანაში შემუშავებული განახლებადი და ალტერნატიული ენერგიის შესახებ. საქართველომ კი, დამთვალიერებელს ქვეყნის ენერგოპოტენციალის შესახებ ინფორმაცია მიაწოდა.

საქართველოს პავილიონის შესასვლელთან მოწყობილ სტენდზე განთავსებული იყო ინფორმაცია უნიკალური ქართული ანბანის შესახებ. 5დ სათვალის მეშვეობით ნებისმიერ მსურველს შეეძლო ვირტუალურად ემოგზაურა თანამედროვე საქართველოში, გაცნობოდა გასული საუკუნეების შენობების არქიტექტურას, ღვინის წარმოების უძველეს ტექნოლოგიას და ქართველი ოსტატების ეთნოგრაფიულ ნამუშევრებს, დაეწერა თავისი სახელი ქართულად. ერთ-ერთ სტენდზე გამოსახული იყო საქართველოს რუკა, სადაც აღწერილი იყო საქართველოს ქალაქების ღირსშესანიშნაობები.

გამოფენის ფარგლებში ცნობილი ქართველი შემსრულებლების  და სახელმწიფო ანსამბლის მონაწილეობით გაიმართა კონცერტი, რომელიც ორი ქვეყნის დიპლომატიური ურთიერთობების 25 წლის იუბილეს მიეძღვნა. ღონისძიება 13 ივნისის თბილისში მომხდარი ტრაგედიის მსხვერპლთა ხსოვნის პატივსაცემად წუთიერი დუმილით დაიწყო. საიუბილეო კონცერტს საქართველოსა და ყაზახეთის პრეზიდენტები, მთავრობის წევრები, EXPO-ს სტუმრები და აჭარის მთავრობის თავმჯდომარე დაესწრნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა

საქართველოში ბავშვების საყოველთაო ნათლობა გაიმართა

სამველ კარაპეტიანი: უკან აღარ დავბრუნდები, სომხეთში 10 წელი ვიმუშავებ