წუხელ ძლიერი წვიმის გამო, საგანგებო სამსახურში რეგიონებიდან 437 ხოლო, თბილისში 401 გამოძახება დაფიქსირდა

2017-06-11 11:21:49, 1867 ნახვა

საზოგადოება

ამ დროისთვის არსებული მონაცემების მიხედვით რეგიონებიდან სულ 437, ხოლო თბილისში 401 გამოძახება დაფიქსირდა

როგორც „ექსპრესნიუსს“ შინაგან საქმეთა სამინისტროს საგანგებო სიტუაციების მართვის სამსახურში განუცხადეს, გამოძახებები ძირითადად ეზოებისა და სადარბაზოების დატბორვის შემთხვევებს შეეხებოდა.

„გუშინ მთელი ღამის განმავლობაში ვმუშაობდით საგანგებო რეჟიმში. ამ დროისთვის არსებული მონაცემების მიხედვით რეგიონებიდან შემოსული არის 437 ზარი, თბილისიდან კი 401 შეტყობინება იყო შემოსული. თითოეულ შეტყობინებაზე რა თქმა უნდა მოხდა დროული რეაგირება. ძირითადად მოგვიწია წყლის ამოტუმბვის და გზის გაწმენდითი სამუშაოების ჩატარება. ვითარება ამ ეტაპზე სტაბილურია“,-აცხადებენ სააგენტოში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან