|
2017-06-10 10:59:49, 1753 ნახვა
საზოგადოება
გადაუდებელი დახმარების ცენტრის ექთნების გადამზადება დასრულდა
რეგიონული გადაუდებელი დახმარების ცენტრის ექთნების გადამზადება დასრულდა. ექთნებს პირადად გაესაუბრა და გადამზადების შესახებ ინფორმაცია მედპერსონალისგან პირადად მიიღო საგანგებო სიტუაციების კოორდინაციისა და გადაუდებელი დახმარების ცენტრის დირექტორის მოადგილემ დავით ტორუამ. „სასწავლო კურსი უახლეს გაიდლაინებსა და პროტოკოლებზეა დაფუძნებული. ექთნები პირველადი დახმარების მიმართულებით უახლეს ინფორმაციას ეცნობიან, ერთვებიან პრაქტიკულ მეცადინეობებში. ყოველივე ეს უკვე დადებითად აისახა მათ კვალიფიკაციაზე, რაც თავის მხრივ, რეგიონებში გადაუდებელი სამედიცინო დახმარების ხარისხს ზრდის,“ - განაცხადა დავით ტორუამ. ჯანდაცვის სამინისტროს ეროვნული სასწავლო ცენტრის ბაზაზე ტრენინგები 4 დღეს მიმდინარეობდა. ტრენერებმა ექთნები პირველად სამედიცინო დახმარებაში მოამზადეს. თეორიულ სწავლებასთან ერთად მედპერსონალი პრაქტიკულ მეცადინეობებშიც ჩაერთო. ტრენინგის ფარგლებში ექთნებმა ავტომატური გარეგანი დეფიბრილატორის გამოყენება, ელექტროკარდიოგრამის გადაღება, სისტემის აწყობა, გულ-ფილტვის რეანიმაცია, ტრავმისა და სასუნთქი გზების უცხო სხეულით ობსტრუქციისას გადაუდებელი მდგომარეობების მართვის ძირითად პრინციპები შეისწავლეს და უახლეს პროტოკოლებს გაეცნენ. ტრენინგის დასრულების შემდეგ ექთნებს ტესტირება ჩაუტარდებათ. გამოცდის წარმატებით ჩაბარების შემდეგ კი, სერტიფიკატები გადაეცემათ. ამ ტიპის ტრენინგი მედპერსონალს პირველად ჩაუტარდა. გადამზადება პერმანენტული ხასიათისაა და სწავლებაში გადაუდებელი დახმარების ცენტრის ყველა ექთანი ეტაპობრივად ჩაერთვება.
(NS)
ფაშინიანი ამბობს, რომ მოსკოვში 9 მაისის აღლუმზე არ ჩავა
კალაძეს ჰგონია, რომ რეჟიმს მოქალაქეებზე ძალადობას აბრალებენ, თავად კი ძალადობას გმობენ
სისხლის სამართლის შესაძლო დანაშაული არჩევნებზე - მოქმედი მოსამართლე პროკურატურისგან გამოძიებას ითხოვს
კალაძე 4 ოქტომბერს დაკავებულებზე: მათ სახელმწიფო გადატრიალების დავალება ჰქონდათ
|
რედაქტორის რჩევით
წინადადება თბილისს: იცვლის თუ არა უკრაინა კურსს საქართველოსთან მიმართებაში
რა მეთოდები გამოიყენება ჟურნალისტებისა და მედიის დისკრედიტაციისთვის
ომი უკრაინაში
რუსეთის ფედერაციამ სუმის ოლქი დაბომბა: 5 დაღუპული, 11 დაჭრილი
სხვადასხვა ქალაქების დაბომბვის შედეგად, უკრაინაში 6 ადამიანი დაიღუპა და 47 დაიჭრა
ვიდეო/LIVE პატრიარქის ილია მეორის დაკრძალვა - პირდაპირი
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)