თბილისის საკრებულოს ფრაქცია "ნაციონალური მოძრაობის" თავმჯდომარე ირაკლი აბესაძემ დედაქალაქის მერია და ცენტრალური ხელისუფლება ევროპის ახალგაზრდულ ოლიმპიურ ფესტივალ "თბილისი 2015"- თან მიმართებაში უუნარობასა  და კორუფციაში დაადანაშაულა.

აბესაძე ფონდი "ქართუს" მიერ ევროპული ფესტივალისთვის შემოწირულობის სახით, 10 მლნ ლარის გამოყოფას არ ეთანხმება

"თბილისი 2015 წლის ახალგაზრდული ოლიმპიადა ეს არის მნიშვნელოვანი სპორტული ღონისძიება, რომლის კარგად ჩატარება მთლიანად სახელმწიფოს იმიჯზეა დამოკიდებული. ჩვენ ვხდევათ,  2 კვირის უკან ცენტრალურმა ხელისუფლებამ და თბილისის მერიამ ერთობლივად გათვალა, რომ დამატებით 38 მლნ ლარი იყო საჭირო- ჯამში 130 მლნ ლარზე მეტი იხარჯება მხოლოდ თბილისის მერიიდან ოლიმპიადისთვის და აღმოჩნდა, რომ სადღაც ნაგვის გატანისა და ასფალტის მოწესრიგებისთვის, ასევე კანალიზაციის მოწესრიგებისთვის, კიდევ 10 მლნ ლარი ყოფილა საჭირო. ასეთი უუნარო და არაორგანიზებული დამოკიდებულება ქალაქის მთავრობისა  დ ცენტრალური ხელისუფლების მხრიდან ამ ოლიმპიადისადმი,  გამოივწევს იმას, რომ  იქნება ძალიან ბევრი ხარვეზი და საქართველოს,  როგორც ასეთი სპორტული ღონისძიებების ჩატარების ადგილისთვის,  იმიჯი მნიშვნელოვნად შეილახება. მოვუწოდებ ნარმანიას, საკუთარი უუნარობა და კორუფცია ასეთ პროექტთან მიმართებაში მაინც გადადოს გვერდზე და იმუშაონ იმისათვის,  რომ ოლიმპიადისთვის ყველაფერი მზად იყოს",-განაცხადა ირაკლი აბესაძემ.

ცნობისთვის, ოლიმპიადა "თბილისი 2015"-სთვის ფონდ "ქართუს" მიერ დამატებით 10 მლნ ლარია შემოწირული, რომელიც გათვალისწინებულია ოლიმპიური სოფლის წყლით მომარაგებისა და მისასვლელი გზების კეთლმოწყობისათვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ