კობახიძე: პრეზიდენტის კომპეტენციებთან დაკავშირებით რაიმე არსებითი ცვლილება არ გვექნება

2017-06-05 11:52:41, 2307 ნახვა

პოლიტიკა კომენტარი

პარლამენტის თავმჯდომარის ირაკლი კობახიძის განცხადებით, კონსტიტუციური ცვლილებების პროექტის საბოლოო ვარიანტში კომპეტენციებთან დაკავშირებით რაიმე არსებითი ცვლილება არ შევა.

მისივე თქმით, მოცემული ცვლილებით პრეზიდენტის კომპეტენციები სრულად თავსებადია საპარლამენტო მმართველობის სისტემასთან.

"პრეზიდენტის კომპეტენციებს რაც შეეხება, არის სრულად თავსებადი იმ სისტემასთან, რომელიც ჩამოყალიბებულია- საპარლამენტო მმართველობის სისტემასთან , რაც დღევანდელი კონსტიტუციით არ არის უზრუნველყოფილი. შესაბამისად, ამასთან დაკავშირებით შენიშვნები ვერ ექნება პარტნიორებს. არის რაციონალურად განსაზღვრული პრეზიდენტის როგორც სტატუსი, ისე კომპეტენციები. კომპეტენციებთან დაკავშირებით რაიმე არსებითი ცვლილება არ გვექნება", - აღნიშნა კობახიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან