რუსეთის პრეზიდენტის ვლადიმერ პუტინის განცხადებით, ამერიკის შეერთებული შტატები, მსოფლიოს მასშტაბით, სხვა ქვეყნების საარჩევნო კამპანიაში აქტიურად ერევა. 

როგორც პუტინმა ტელეკომპანია NBC- თან ინტერვიუში აღნიშნა, "მსოფლიო რუკაზე, სადაც არ უნდა დაადო თითი, ყველგან შეიძლება მოისმინო საჩივარი აშშ-ის ოფიციალური პირების ჩარევისა სხვა ქვეყნების შიდა საქმეებში". 

"პრეზიდენტები მოდიან და მიდიან, პარტიებიც კი იცვლება ხელისუფლებაში, თუმცა არ იცვლება მთავარი პოლიტიკური ხაზი. ამიტომ, ჩვენთვის არ აქვს მნიშვნელობა ვინ იქნება აშშ-ის სათავეში, დაახლოებით ვიცით რა მოხდება", - განაცხადა ვლადიმერ პუტინმა.

ამასთან, პუტინის თქმით, არ არსებობს არანაირი მტკიცებულება იმისა, რომ რუსეთი ამერიკის საპრეზიდენტო არჩევნებზე გავლენას ახდენდა. 

რაც შეეხება აშშ-ში რუსეთის ელჩის სერგეი კისლიაკისა და ტრამპის ადმინისტრაციის წევრის შეხვედრას, პუტინმა აღნიშნა, რომ მსგავსი შეხვედრების შესახებ ინფორმირებული არ არის.

"თქვენ რა გგონიათ , მსოფლიოს სხვადასხვა ქვეყნიდან რისეთის ელჩები, მათ შორის ამერიკაში რუსეთის ელჩიც ყოველდღე მირეკავენ და მეუბნებიან ვის ხვდებიან და ვის არა?! მე არ ვიცოდი ამ შეხვედრების შესახებ. უბრალოდ დაფიქრდით რას ამბობთ. გგონიათ, ამისთვის დრო მაქვს?!", - დასძნა პუტინმა.

რუსეთის პრეზიდენტმა აშშ-ის პრეზიდენტის მრჩეველთან მაიკლ ფლინთან შესაძლო კავშირებიც უარყო.

"მე მას არ ვიცნობ. ერთ-ერთ ფორუმზე ერთ მაგიდასთან ვისხედით, სხვადასხვა თემებზე ვისაუბრეთ, შემდეგ მე წავედი. უკვე მერე გავიგე თუ ვინ იყო ეს ადამიანი და რა სავარაუდო კავშირებზე მიდის საუბრები. მგონია, რომ თქვენი ცხოვრება მოსაწყენია, რადგან ძალიან კრეატიულები ხართ მსგავსი რამეები, რომ მოიფიქროთ", - აღნიშნა ვლადიმერ პუტინმა.

კითხვაზე - რა კავშირი აქვს ვლადიმერ პუტინს დონალდ ტრამპთან და აქვს თუ არა კრემლს აშშ-ის პრეზიდენტზე შედგენილი ე.წ. შავი დოსიე, პუტინმა აღნიშნა, რომ ტრამპთან არანაირი ურთიერთობა არ აქვს.

"ტრამპი ადრე მოსკოვშ ჩამოდიოდა, თუმცა მასთან არასდროს მქონია შეხვედრები. ახლაც მოსკოვში ბევრი ბიზნესმენია ჩამოსული ამერიკიდან, გგონიათ, რომ ყველას ვიცნობ და ყველაზე რამე მასალა მაქვს შეგროვებული?! რა სისულელეა. გგონიათ, რომ ტრამოთან რამე განსაკუთრებული ურთიერთობა გვაქვს?! საერთოდ არანაირი ურთიერთობა არ გვაქვს მასთან. საერთოდ როგორ ხართ მანდ?! რუსეთი დემოკრატიის განვითარების გზაზეა. რატომ გგონიათ, რომ გაქვთ უფლება ყოველთვის გვითხრათ, თუ როგორ უნდა ვიცხოვროთ?! მივიღებთ შეფასებებს, კომენტარებს, იმ შემთხვევაში თუ ყველაფერი იქნება მიმართული ურთიერთობების დალაგებისკენ, მაგრამ არა იმ შემთხვევაში, რო, ნეგატიურად იმოქმედოთ და ჩვენი პოლიტიკა გააკრიტიკოთ", - განაცხადა ვლადიმერ პუტინმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვიქტორ ორბანმა უნგრეთში საპარლამენტო არჩევნებში დამარცხება აღიარა

ორბანის ოპოზიცია გამანადგურებელ გამარჯვებას აღწევს

უნგრეთში ხმებს ითვლიან, ლიდერობს ოპოზიციური Tisza

უნგრეთში ხმის მიცემა შეწყდა, ამომრჩეველთა აქტივობა 77.80% იყო, რაც აბსოლუტური რეკორდია ქვეყნის ისტორიაში