ბათუმს მსოფლიოში ერთ-ერთი მსხვილი კომპანიის წარმომადგენლები ეწვივნენ.

აჭარის მთავრობის პრესსამსახურის ინფორმაციით,  „ჰუალინგ ჯგუფის" პრეზიდენტ მი ენ ჰუასთან შეხვედრა აჭარის ფინანსთა და ეკონომიკის მინისტრმა რამაზ ბოლქვაძემ გამართა.

მათივე ინფორმაციით, შეხვედრას „ჰუალინგ ჯგუფის"გენერალური დირექტორი ვა შენგ ხინი და 30 საერთაშორისო კომპანიის წარმომადგენელი ესწრებოდნენ.

 რამაზ ბოლქვაძემ ინვესტორებს აჭარის რეგიონის საინვესტიციო შესაძლებლობებზე და საპრივატიზაციო ობიექტებზე ინფორმაცია მიაწოდა.

შეხვედრაზე საუბარი კურორტ „გოდერძიზე" საინვესტიციო პროექტების განხორციელებას შეეხო.

აჭარის საინვესტიციო პოტენციალის შესახებ ინფორმაცია ინვესტორებს, სპეციალური პრეზენტაციით, აჭარის ფინანსთა და ეკონომიკის სამინისტროს წარმომადგენელმა მიაწოდა.

„აჭარას მსოფლიოს ერთ-ერთი წამყვანი კომპანია „ჰუალინგ ჯგუფი" ეწვია. ძალიან საინტერესო და ნაყოფიერი შეხვედრა შედგა ჰუალინგ ჯგუფის პრეზიდენტთან და კომპანიის წარმომადგენლებთან. შეხვედრაზე საუბარი აჭარის საინვესტიციო პოტენციალს შეეხო. კომპანიის წარმომადგენლებს რეგიონის საპრივატიზაციო ობიექტები გავაცანით. საქართველოში კომპანიის საინვესტიციო კაპიტალი 500 მლნ აშშ. დოლარს შეადგენს, ხოლო დასაქმებულთა რაოდენობა ჯამში - 3,000-ს აღემატება. ერთ-ერთი უმსხვილესი კომპანია, რომელსაც საქართველოში 8 პროექტი უკვე განხორციელებული აქვს, ამჯერად უკვე აჭარაში ინვესტირებით დაინტერესდა.დღეს  „ჰუალინგ ჯგუფ"-მა სხვადასხვა მიმართულებით ჩვენთან თანამშრომლობის სურვილი უკვე გამოთქვა. ჩვენ აქტიურად ვთანამშრომლობთ კომპანიასთან, რაც გვაძლევს დიდ მოლოდინს, რომ რეგიონში დამატებით ახალი საინვესტიციო პროექტების განხორციელება დაიწყება"- განაცხადა რამაზ ბოლქვაძემ.

დღესვე, ჩინელი ინვესტორები ბათუმში არსებულ საპრივატიზაციო მიწის ნაკვეთებს გაეცნენ. ბიზნეს სექტორის წარმომადგენლები ბათუმს დღეს დატოვებენ.

კერძო კორპორაცია „ჰუალინგ ჯგუფი" 1988 წელს ჩინეთში დაარსდა.

კორპორაციის ძირითადად საქმიანობა მოიცავს: სავაჭრო ცენტრებისა და საბითუმო მარკეტების მშენებლობას, გაქირავებას და მართვას, საგარეო ვაჭრობას, სასტუმროების ქსელის მშენებლობა-მართვას,  დეველოპერული პროექტების განხორციელებას,  ბუნებრივი რესურსების, ენერგეტიკული და მეცხოველეობის პროექტების განვითარებას და ქველმოქმედებას.

 კომპანია საქართველოში უკვე 8 მსხვილ პროექტს ახორციელებს.  კომპანიის საინვესტიციო კაპიტალი საქართველოში 500 მლნ აშშ  დოლარს შეადგენს, ხოლო დასაქმებულთა რაოდენობა, ჯამში 3,000-ს აღემატება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვში, ოპოზიციურ Новая газета-ს ოფისში ჩხრეკა მიმდინარეობს

კაცი, რომელსაც პარლამენტთან პოლიციამ ბორკილები დაადო, ადმინისტრაციული წესითაა დაკავებული

ოპოზიციის ალიანსი: 9 აპრილი სიმბოლოა, რომ ქართველები თავისუფლებისთვის ბრძოლას არ შეწყვეტენ

მაგთიკომი: ინტერნეტის გათიშვა გლობალურ ქსელზე შექმნილმა პრობლემამ გამოიწვია