„იმედი მაქვს,  რომ რიგაში ადეკვატურად სწორად დაიგეგმება აღმოსავლეთ პარტნიორობის მომავალი და მათ შორის საქართველოს მომავალი თავისუფალ ერთა ოჯახში“, - ამის შესახებ საქართველოს პრეზიდენტმა გიორგი მარგველაშვილმა ლატვიელ კოლეგასთან, ანდრის ბერზინშთან შეხვედრის შემდეგ გამართულ ერთობლივ პრესკონფერენციაზე განაცხადა.

როგორც მარგველაშვილმა აღნიშნა, ლატვიელ კოლეგასთან შეხვედრის დროს, ერთ-ერთი მთავარი თემა სწორედ აღმოსავლეთ პარტნიორობის მომავალი სამიტი იყო, რომელიც რიგაში, მაისში გაიმართება.  

„უმნიშვნელოვანესი  ფორმატია  აღმოსავლეთ პარტნიორობის პროცესის  გაღრმავება. მაისში განხილული იქნება სწორედ რიგაში, სწორედ იმ ქვეყანაში, რომელსაც ზუსტად, ზედმიწევნითესმის აღმოსავლეთ პარტნიორობის მნიშვნელობა, საქართველოს განსაკუთრებული მისია, რომელიც ჩვენ გვაკისრია ევროპული უსაფრთხოებისა და ევროპულ ერთაოჯახის მომავალში.  იმედი მაქვს,  რომ რიგაში ადეკვატურად სწორად დაიგეგმება აღმოსავლეთ პარტნიორობის მომავალი და მათ შორის საქართველოს მომავალი თავისუფალ ერთაოჯახში“, - განაცხადა საქართველოს პრეზიდენტმა.

მისივე თქმით, ანდრის ბერზინშთან შეხვედრისას საუბარი შეეხო თბილისში მიღწეული შეთანხმებების რეალიზაციას, ქვეყნებს შორის თანამშრომლობის გაღრმავებას, სავაჭრო, ეკონომიკური, კულტურული, საგანმანათლებლო კავშირებისა და ხალხებს შორის ურთიერთობის შემდგომ განვითარებას. მხარეებმა რეგიონში მშვიდობისა და უსაფრთხოების პრობლემატიკაზეც იმსჯელეს.

„შეხვედრის  დროს მივაწოდე ლატვიის პრეზიდენტს ინფორმაცია იმ სირთულეებზე, რაც არსებობს ჩვენს რეგიონში.  ასევე ვისაუბრეთ იმ საფრთხეების შესახებ, რომელსაც ქმნიან ის ეგრეთწოდებული “ინტეგრაციისა და მეკავშირეობის შესახებ ხელშეკრულებები”, რომლებიც რუსეთის ფედერაციამ საქართველოს ოკუპირებული ტერიტორიების დე-ფაქტო რეჟიმებთან გააფორმა და, რაც რეალურად ჩვენი ქვეყნის  ტერიტორიების ანექსიისაკენ გადადგმულ ნაბიჯს წარმოადგენს“, - განაცხადა მარგველაშვილმა.
გარდა ამისა, პრეზიდენტის თქმით, საუბარი უკრაინაში შექმნილ ვითარებასაც შეეხო.
„უკრაინის, საქართველოსა და მოლდოვის თავისუფალი არჩევანის დაცვა არის საერთო ევროპული უსაფრთხოების მნიშვნელოვანი კომპონენტი. ეს კარგად ესმით ჩვენ  ლატვიელ მეგობრებს და  იმედი გვაქვს, რომ გააზრება და გაგება ჭეშმარიტების სულ უფრო აქტიური იქნება ჩვენს ყველა ევროპელ პარტნიორს შორის. ჩვენ არ უნდა ვრეაგირებდეთ მხოლოდ კრიზისებზე, არ უნდა ვრეაგირებდეთ მხოლოდ მაშინ,  როდესაც სირთულე წარმოიქმენება“, -აღნიშნა  გიორგი მარგველაშვილმა.  

პრესკონფერენციაზე საქართველოს პრეზიდენტმა ყურადღება გაამახვილა ლატვიელ კოლეგასთან მეგობრულ ურთიერთობაზე და მას კიდევ ერთხელ გადაუხადა მადლობა საქართველოს ევროპული არჩევანის და ტერიტორიული მთლიანობის მხარდაჭერისთვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ