საქართველოს დამოუკიდებლობის დღისადმი მიძღვნილი ღონისძიებების ფარგლებში, სოფლის მეურნეობის სამინისტრო სტენდებს თბილისსა და მცხეთაში  წარმოადგენს.

სოფლის მეურნეობის სამინისტროს სტენდზე წარმოდგენილი იქნება სახელმწიფო პროექტების ფარგლებში დაფინანსებული აგრარული მიმართულების საწარმოებისა და სასოფლო-სამეურნეო კოოპერატივების მიერ წარმოებული პროდუქცია - სხვადასხვა სახის თაფლი და თაფლის პროდუქტები, ღვინისა და ყველის ნაირსახეობა,  ჩაი, ჩურჩხელა, ბადაგი, თხილი, დეკას ჩაი, სუბლიმირებული ხილი, ხილის ჩირი, მოცვი, სხვადასხვა სახის კომპოტი და წვენი, ჯემებისა და მურაბების ნაირსახეობა, ზეთისხილი და სოკო.

სამინისტროს სტენდის სტუმრებს საშუალება ექნებათ დააგემოვნონ და შეიძინონ წარმოდგენილი პროდუქცია, ასევე გადაიღონ სამახსოვრო ფოტოები ორიგინალურ დეკორაციებთან, რომლებიც  ქართული ხილითა და ბოსტნეულით იქნება გაფორმებული.
 
სოფლის მეურნეობის მინისტრი ლევან დავითაშვილი თბილისში და მცხეთაში წარმოდგენილ სტენდებს დაათვალიერებს:

10:45 სთ-ზე - თბილისში, რუსთაველის გამზირზე (თავისუფლების მოედნის მიმდებარე ტერიტორია)

14:00 სთ-ზე - მცხეთაში (გამგეობის შენობის მიმდებარე ტერიტორია)
 
წელს, დამოუკიდებლობის დღისადმი მიძღვნილი 26 მაისის ღონისძიებები წელს შოთა რუსთაველის 850 წლის იუბილეს აღნიშვნის იდეის ქვეშ ერთიანდება.

„მე რუსთაველის ქვეყნიდან ვარ" - ეს არის მთავარი გზავნილი, რომელიც  წარმოდგენილ ყველა სტენდსა და დეკორაციაში აისახება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ევროპული ბიუროკრატია არის ის ძალა, რომელიც მხარს უჭერდა მოლოტოვის კოქტეილს

კობახიძე - პირდაპირი, უხეში პოლიტიკური თავდასხმები ხორციელდება კონსტიტუციურ მართლმსაჯულებაზე, ამაზე დუმს ევროპული ბიუროკრატია

კალაძის მოადგილე ამტკიცებს, რომ რუსთაველის გამზირის რეაბილიტაცია არა ოქტომბერში არამედ ნოემბერში უნდა დასრულებულიყო

თიბისი მოსწავლეებსა და მათ მშობლებს სასკოლო ფორმების შეძენაზე 100%-მდე ქეშბექს სთავაზობს