„მანჩესტერში მომხდარ აფეთქებასთან დაკავშირებით, ცხელ ხაზზე საქართველოს მოქალაქეებისგან შეტყობინება არ შესულა“

2017-05-23 12:13:45, 1525 ნახვა

საზოგადოება

მანჩესტერში მომხდარ აფეთქებასთან დაკავშირებით საქართველოს მოქალაქეების შესახებ არანაირი შეტყობინება საკონსულოს ცხელ ხაზზე არ შესულა, - ამის შესახებ "ექსპრესნიუსი" საგარეო საქმეთა სამინისტროში განუცხადეს.

საგარეო უწყების ინფორმაციით, საელჩოს ვებ-გვერდსა და სოციალურ ქსელში მითითებულია ცხელი ხაზის ნომრები, სადაც საქართველოს მოქალაქეებს შეუძლიათ დარეკონ, თუკი რაიმე დასჭირდებათ.

მანჩესტერში მომხდარ აფეთქებასთან დაკავშირებით დიდი ბრიტანეთისა და ჩრდილოეთ ირლანდიის გაერთიანებულ სამეფოში საქართველოს საელჩოში მოქმედებს ცხელი ხაზი: +44 7872 064830.

ასევე 24 საათიანი ცხელი ხაზი საგარეო საქმეთა სამინისტროს საკონსულო დეპარტამენტში მოქმედებს: (+995 32) 294 50 50.

ამ ეტაპზე ბრიტანული მხარე დაღუპულთა და დაშავებულთა შორის საქართველოს მოქალაქეების არსებობას არ ადასტურებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან