თბილისის მერი დავით ნარმანია, მოსწავლე ახალგაზრდობის ეროვნულ სასახლეში, ეროვნული სასახლის 76-ე წლისთავისადმი მიძღვნილი ღონისძიების საზეიმო მიღებას დაესწრო.

თბილისის მერიის ინფორმაციით,  დავით ნარმანიამ დამსწრე საზოგადოებას სიტყვით მიმართა და დამსახურებულ თანამშრომლებს მადლობის სიგელები გადასცა.

მათივე ცნობით, ღონისძიების ფარგლებში სასახლის დარბაზებსა და შიდა ბაღებში მრავალფეროვანი აქტივობები სასახლის 24 მიმართულების კაბინეტებისა და წრეების მოსწავლეებმა გამართეს.

ასევე, გამოფენილი იყო სახვითი და გამოყენებითი ხელოვნების კაბინეტის, ჭედურობის, ფოტოხელოვნების წრეების მოსწავლეების ნამუშევრები.

დავით ნარმანიას განცხადებით, თბილისის მერია ეროვნულ სასახლეში უკეთესი პირობების შესაქმნელად ყველაფერს აკეთებს.

„მოსწავლე ახალგაზრდობის ეროვნული სასახლე იუბილარია. მე მინდა სასახლეს მივულოცო იუბილე. თითოეულ იმ ადამიანს ვინც აქ მოღვაწეობს, თითოეულ ახალგაზრდას, თითოეულ პატარას,  რომელიც აქ იდგამს ფეხს. ძალიან ნიჭიერები არიან,  საოცარი მომავალი თაობა გვყავს, ამიტომ თბილისის მერია მაქსიმალურად ცდილობს და ყველაფერს აკეთებს იმისათვის, რომ კიდევ უფრო უკეთესი პირობები იყოს მოსწავლე ახალგაზრდობის სასახლეში, რათა უფრო მეტი და ღირსეული მომავალი თაობა გავზარდოთ“,- განაცხადა დავით ნარმანიამ.

ღონისძიებას თბილისის მერთან ერთად, საკრებულოს თავმჯდომარე გიორგი ალიბეგაშვილი ესწრებოდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად