დედა ენის ძეგლთან შეკრებილებსა და საყდრისის დამცველებს შორის სიტყვიერი დაპირისპირება მოხდა. დედა ენის დღესთან დაკავშირებით, ძეგლთან  დილიდან მინისტრთა კაბინეტის წევრები და თბილისის მთავრობის წარმომადგენლები მივიდნენ. კარვების ქალაქის მოწყობიდან ერთ წელს აღნიშნავდნენ  საყდრისის საბადოს  გადარჩენის კომიტეტის წევრებიც, რომლებიც ასევე დედა ენის ძეგლთან მივიდნენ.
საყდრისის გადარჩენის კომიტეტის წევრებმა თბილისის მერ დავით ნარმანიას მოუწოდეს, საყდრისის ნგრევა შეაჩერონ. გარდა ამისა, მათ დედაქალაქის მერი პროექტ "პანორამა თბილისთან" დაკავშირებითაც გააკრიტიკეს.  ამის შემდეგ დედა ენის დღისადმი მიძღვნილი  ღონისძიების ორგანიზატორები  საყდრისის დამცველებს დაუპირისპირდნენ. რაც შეეხება დავით ნარმანიას, მას საყდრისთან დაკავშირებით საკუთარი პოზიცია არ დაუფიქსირებია. ნარმანიას თქმით, თბილისის მერიას საყდრისთან დაკავშირებით რაიმე ფუნქცია არ აქვს.
"ქალაქის მერიას საყდრისთან დაკავშირებით რაიმე სახის ფუნქცია და როლი არ გააჩნია. რაც შეეხება "პანორამა თბილისს", პანორამა თბილისთან დაკავშირებით უამრავი კვლევაა გაკეთებული, რაც ნიშნავს იმას, რომ გარემოს რაიმე ზიანს არ მიაყენს",-განაცხადა დავით ნარმანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ

გავრილოვის ღამის ერთ ეპიზოდთან დაკავშირებით საქართველომ სტრასბურგის სასამართლოში დავა წააგო