მდინარაძე: თბილისში ცვლილებების განხილვა ჩატარდება და შევეცდებით, თავიდან ავირიდოთ პროვოკაცია

2017-05-16 13:27:50, 2094 ნახვა

პოლიტიკა კომენტარი

ფრაქცია "ქართული ოცნების" თავმჯდომარის მამუკა მდინარაძის განცხადებით, თბილისში კონსტიტუციური ცვლილებების საყოველთაო სახალხო განხილვა აუცილებლად გაიმართება.

მისივე თქმით, ორგანიზაციული საკითხები კომისიის დღევანდელ სხდომაზე გადაწყდება:

"თბილისში აუცილებლად ჩატარდება, გაგრძელდება ზოგადად საყოველთაო- სახალხო განხილვები. კანონიც ამას ითვალისწინებს, რომ მინიმუმ 1 თვის განმავლობაში განხილვები უნდა გრძელდებოდეს. კომისიის სხდომაზე განვიხილავთ ამ საკითხს და ორგანიზაციულ დეტალებზე შემდეგ მოგახსენებთ. რაც შეეხება უსაფრთხოებას და სხვა საკითხებს, ვიქნებით ყურადღებით ყველა დეტალის მიმართ და შევეცდებით, უზრუნველყოფილი იყოს უსაფრთხოება, პროვოკაციის თავიდან არიდებაც , შესაბამის ზომებს მივმართავთ", - აღნიშნა მდინარაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან