შალვა აბულაძის ადვოკატი ფიზიკური ზეწოლის კვალზე საუბრობს

2015-04-14 12:41:38, 684 ნახვა

სამართალი

პოლიციელების მკვლელობაში ბრალდებული შალვა აბულაძის ადვოკატი არჩილ ჩუბინიძე ფიზიკური ზეწოლის კვალზე საუბრობს.

მისივე თქმით, აბულაძეს დაზიანებები დაპატიმრების დროს სახისა და ფეხის არეში აქვს მიყენებული.

„შალვა აბულაძის დაკავების ოქმს გავეცანი, მას აღენიშნებოდა ფეხის არეში გარკვეული მსუბუქი ნაკაწრების დონეზე დაზიანება. სასამართლოს სხდომაზე გამოცხადებულ შალვა აბულაძეს ვიზუალურადაც ეტყობოდა სახის მიდამოებში სილურჯეები. უახლოეს დღეებში ცნობილი გახდება მისი ოფიციალური პოზიცია ბრალთან დაკავშირებით. შესწავლილ მასალებში მე ვერ ვიპოვე მტკიცებულება, რომ შალვა აბულაძის ბრალეულეობას დაადასტურებს“,-განაცხადა ჩუბინიძემ.

ცნობისთვის, შალვა აბულაძეს ორი პოლიციელის სიცოხლის მოსპობა და ცეცხლსასროლი იარაღის მართლსაწინააღმდეგო შეძენა-შენახვა-ტარება ედება ბრალად.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან