„გადაიღე საქართველოში“ პროგრამის ფარგლებში, რომელსაც  საქართველოს ეკონომიკისა და მდგრადი განვითარების სამინისტროს სსიპ „აწარმოე საქართველოში“  ახორციელებს, საპროდიუსერო კომპანიას "ჯიოსტარ ენთერპრაის" ე.წ cash rebate მექანიზმის საშუალებით საქართველოში კინოგადაღებისათვის დახარჯული კვალიფიციური ხარჯების 20% აუნაზღაურდა. 

ინდური მძაფრსიუჟეტიანი მხატვრული ფილმის “პსვ გარუდა ვეგა” გადაღებები გასული წლის შემოდგომის პერიოდში საქართველოს სხვადასხვა რეგიონებში,  ბორჯომში, კახეთში, ჭიათურაში, ბათუმსა და თბილისში 1 თვის განმავლობაში მიმდინარეობდა და    გადაღებების მსვლელობისას 20 ადგილობრივი მსახიობი დასაქმდა.

აღსანიშნავია, რომ ფილმის გადაღებების მსვლელობისას ჟურნალისტებს საშუალება ჰქონდათ გასაუბრებოდნენ ფილმის რეჟისორს პრავენ სატარუს (Praveen Sattaru) და ცნობილ ინდოელ მსახიობ ადიტ არუნს (Adith Arun), რომლებმაც დიდი მოწონება გამოხატეს საქართველოს მიმართ და აღნიშნეს, რომ საქართველო აღმოსავლეთ ევროპის ერთ-ერთი საუკეთესო კინოლოკაციაა. 

პროგრამის „გადაიღე საქართველოში“ ფარგლებში, საქართველოს ეკონომიკისა და მდგრადი განვითარების სამინისტროს სსიპ „აწარმოე საქართველოში“  მხარდაჭერით, რომელიც ეროვნულ კინოცენტრთან თანამშრომლობით ახორციელებს ხსენებულ პროგრამას, ჯამში განხორციელდა 5 პროექტი, რომელთაგან სამ კომპანიას, შპს "ჯიოსტარ ენთერპრაისის" , შპს "იგელ პროდაქშენს" და შპს „ბეთერფლაი პროდაქშენს“ სახელმწიფომ კინოგადაღებებზე დახარჯული ბიუჯეტის ნაწილი უკვე აუნაზღაურა. 

აღნიშნული 5 პროექტის შედეგად საქართველოში ჯამში 7 310 000  მილიონი ლარი დაიხარჯა, ხოლო ადგილობრივად 650 ადამიანი დასაქმდა. ამავე პერიოდში საქართველოში განხორციელდა არაერთი რეკლამის თუ მუსიკალური ვიდეორგოლის გადაღებები, რაც ასევე ხელს უწყობს ქვეყნის, როგორც აღმოსავლეთ ევროპის საუკეთესო გადასაღები ლოკაციის პოპულარიზაციას.  

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის