საფრანგეთის პრეზიდენტობის კანდიდატები ემანუელ მაკრონი და მარინ ლე პენი არჩევნების მეორე ტურამდე დებატებს მართავე. 

აღნიშნული დებატები მსოფლიო მედიის ყურადღების ცენტრშია. ფრანგული მედიის ცნობით, ორი კანდიდატის დებატები საკმაოდ დაძაბულ ვითარებაში, ცხარე კამათის ფონზე მიმდინაროებს. 

„ნუ მელაპარაკები როგორც მასწავლებელი მოსწავლეს“, - ასე მიმართა მარინ ლე პენმა კონკურენტ ემანუელ მაკრონს. 

 ემანუელ მაკრონმა პირდაპირ ეთერში განაცხადა, რომ ტერორისტებს მარტინ ლე პენი ძალიან უყვართ და ამბობენ, რომ მათთვის ლე პენის გამარჯვება დიდი საჩუქარი იქნება. 

ლე პენმა თავისი მოწინააღმდეგის უსაფრთხოებისა და ტერორიზმის წინააღმდეგ ბრძოლის პოლიტიკა გააკრიტიკა. საპასუხოდ, მაკრონმა აღნიშნა, რომ ტერორიზმის წინააღმდეგ ბრძოლა მისი მთავარი პრიორიტეტია. მისი თქმით, ტერორისტები საზღვრის გადაკვეთის დროს საკუთარი თავის იდენტიფიცირებას არ მოახდენენ, ამიტომ მათი გამოვლენის მიზნით, საფრანგეთს ევროკავშირის წევრ სახელმწიფოებთან მეტი თანამშრომლობა სჭირდება.

ჯანდაცვის პოლიტიკაზე საუბრისას მან განაცხადა, რომ საფრანგეთში ექიმების არასაკამრისი რაოდენობაა. როგორც ლე პენმა აღნიშნა, ის აპირებს მოლაპარაკებები აწარმოოს დიდ ფარმაცევტულ კომპანიებთან, რათა მედიკამენტების ფასები შემცირდეს. 

საფრანგეთის პრეზიდენტობის კანდიდატებმა დებატების დროს საპენსიო რეფორმაზეც ისაუბრეს. მაკრონის აზრით, საპენსიო ასაკი 62 წელი უნდა იყოს, ხოლო ლეპენის აზრით, საფრანგეთის მოქალაქეს პენსიაზე გასვლა 60 წლიდან უნდა შეეძლოს. 

შეგახსენებთ, რომ საფრანგეთის საპრეზიდენტო არჩევნების მეორე ტური 7 მაისს გაიმართება. ერთმანეთს ევროპული კურსის მხარდამჭერი ემანუელ მაკრონი და ევროკავშირიდან გასვლის მომხრე მარინ ლე პენი დაუპირისპირდებიან.

ამავე თემაზე: ვინ არის მარინ ლე პენი? Qui est madame Le Pen?

ფრანგი ბარაკ ობამა - ვინ არის ცენტრისტი ემანუელ მაკრონი?

საფრანგეთი 25-ე პრეზიდენტის მოლოდინში

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთში არჩევნებზე მაღალი აქტივობა შენარჩუნებულია: ამომრჩეველთა თითქმის 42%-მა უკვე მისცა ხმა.

მეუფე ნიკოლოზი: მგონი არასწორია ადამიანს უთხრა, პატრიარქობა არ შეიძლება, რადგან 70 წლის ხარ

უკრაინაში რუსეთის მიერ ცეცხლის შეწყვეტის შეთანხმების ასობით დარღვევა დაფიქსირდა

აშშ-მ და ირანმა ომის დასრულების შესახებ შეთანხმებას ვერ მიაღწიეს