"პრემიერს საერთოდ არაფერი არ ესაქმება სპეცრაზმელებთან, მათ თავისი უფროსი ჰყავთ",-ასე გამოეხმაურა საქართველოს ყოფილი პრემიერ-მინისტრი ბიძინა ივანიშვილი მოქმედი პრემიერის, ირაკლი ღარიბაშვილის განცხადებას, რომ შესრულებული უკანონო დავალებების გამო, სპეცრაზმელების დაკავება არასწორია.
ივანიშვილის თქმით, პრემიერმაც და შინაგან საქმეთა მინისტრმაც ამ საკითხზე უბრალოდ საკუთარი აზრი გამოთქვეს.
"მე არ მაქვს იმაზე მეტი ინფორმაცია, რაც მედიაში არ ქვეყნდება,  მაგრამ ძალიან ქმედითუნარიანია დღევანდელი პროკურატურა და პოლიციაც.პრემიერს საერთოდ არაფერი არ ესაქმება სპეცრაზმელებთან,  მათ თავისი უფროსი ჰყავთ. პრემიერმა მხოლოდ თავისია ზრი გამოთქვა, იგივე აზრი გამოთქვა გომელაურმაც. გომელაურიც ფიქრობს და სცდილობს, რომ ის ვინც არასწორ ბრძანებას დაექვემდებარა,  ჩადინა დანაშაული,  იქნებ როგორმე შეუმსუბუქონ. თუ უფროსიც იძლევა უკანონო ბრძანებას უნდა ეყოს გონება მასაც,  რომ რაღაც არ გააკეთოს",-განაცხადა ბიძინა ივანიშვილმა.
შეგახსენებთ, შს მინისტრმა ვახტანგ გომელაურმა განაცხადა, რომ ყველაფერს ცდილობენ, კორტების საქმეზე სპეცრაზმელები მსუბუქი სასჯელით გამოვიდნენ. მისივე  თქმით, სპეცრაზმელები მაშინ არასწორ ბრძანებას შეეწირნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევი-ოდესის გზატკეცილზე რუსეთის საჰაერო დარტყმის შედეგად სამი ადამიანი დაიღუპა

NBA-ის ლეგიონი: როგორ ფორმაში ხვდებიან ქართველი კალათბურთელები ახალ სეზონს

ინფლაციური წნეხი, წინა თვეებთან შედარებით, გაზრდილია

The Sun: ჩრდილოეთ კორეის ლიდერი, სავარაუდოდ, კომაში ჩავარდა და ჩინეთში ჰოსპიტალიზებულია