საფრანგეთის პრემიერი: მთავრობა მობილიზებულია - 50 000 სამართალდამცველი და ჟანდარმი დამატებით იმუშავებს

2017-04-21 12:47:25, 2176 ნახვა

მსოფლიო

საფრანგეთის პრემიერ-მინისტრის ბერნარ კაზნიოვის ინფორმაციით, უახლოესი დღეების განმავლობაში დამატებით 50 000 სამართალდამცველი და ჟანდარმი იქნება მობილიზებული.

როგორც კაზნიოვმა თავდაცვის საბჭოს სხდომის შემდეგ ჟურნალისტებს განუცხადა, ყველაფერი გაკეთდება იმისთვის, რომ საარჩევნო პროცესი მშვიდ ვიტარებაში წარიმართოს.

„მთავრობა არის მობილიზებული. არაფერმა არ უნდა შეაფერხოს ჩვენი ქვეყნისთვის ეს დემოკრატიული მომენტი“, - აღნიშნა პრემიერ-მინისტრმა.

შეგახსენებთ, რომ პარიზის ცენტრში უცნობმა პირმა ცეცხლი გახსნა, რის შედეგადაც ერთი სამართალდამცველი დაიღუპა, კიდევ 2 დაშავდა. ცნობისთვის, ერთი თავდამსხმელი ლიკვიდირებულია. მეორემ კი ადგილიდან მიმალვა მოახერხა. ტერაქტზე პასუხისმგებლობა "ისლამურმა სახელმწიფომ" აიღო.

საფრანგეთის პოლიციამ თავდამსხმელის სავარაუდო თანამზრახველზე ძებნა გამოაცხადა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან